Krama admoviłasia pryniać padarunkavy siertyfikat biez čeka. Ci zakonna heta?
Takaja situacyja adbyłasia ź minčankaj u adnoj z handlovych sietak, piša «Anłajnier». Ale krama nie maje prava tak rabić, adnaznačna śćviardžajuć u Ministerstvie antymanapolnaha rehulavańnia i handlu.
«Pradaviec nie maje prava vyznačać umovy, jakija ŭpłyvajuć na mahčymaść vykarystańnia padarunkavaha siertyfikata», — śćviardžajuć čynoŭniki.
Kali ž čałaviek usio ž z takim sutyknuŭsia, to možna spasłacca na Pałažeńnie ab paradku i ŭmovach realizacyi tavaraŭ, zaćvierdžanaje pastanovaj Savieta Ministraŭ Respubliki Biełaruś №935 ad 22 śniežnia 2018 hoda.
Punkt 4 hetaha dakumienta zabaraniaje vykanaŭcu vyznačać umovy realizacyi tavaraŭ, vykanańnia rabot i akazańnia pasłuh pa padarunkavych siertyfikatach, kali jany robiać niemahčymym vykarystańnie siertyfikata na praciahu terminu dziejańnia.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary