Isnuje punkt hledžańnia, što za kanstruktyŭnuju pazicyju pa Vieniesuele Rasija moža raźličvać ad ZŠA na kroki ŭ adkaz na ŭkrainskim kirunku. Padobny pohlad ujaŭlajecca pamyłkovym, ličyć palityčny analityk Alaksandr Frydman.
Što Maskva moža prapanavać amierykancam u Vieniesuele? Małavierahodna, što ciapierašnija vieniesuelskija ŭłady surjozna raźličvajuć na Maskvu, jakaja dapamahała zabiaśpiečvać biaśpieku Madura — ź viadomym vynikam. Kali jany i spadziajucca na kahości z chaŭruśnikaŭ Madury, to chutčej na Kitaj.
Z punktu hledžańnia Trampa Rasiju (razam z Madura) jakraz vyciskajuć z rehijonu, u jakim dla jaje miesca nie praduhledžana. U vypadku Ukrainy Tramp užo i biez taho idzie Rasii nasustrač, a kampramisnyja — vielmi niepryjemnyja dla Ukrainy — varyjanty adchilaje mienavita Maskva.
U kantekście «prava mocnaha», jakim kirujecca Vašynhton, značeńnie majuć nie słovy, a spravy. Tramp šmat havoryć, ale i dziejničaje — chaj heta budzie ŭdar pa iranskim jadziernym abjekcie ŭ Fardo, historyja z vyzvaleńniem izrailskich zakładnikaŭ, sankcyi suprać rasijskaj naftavaj industryi abo vykradańnie Madura. Jahonyja dziejańni vyklikajuć u sajuźnikaŭ i praciŭnikaŭ nie tolki strach i nianaviść, ale i pavahu.
A čym moža pachvalicca Maskva? Miadźviedzieŭskaj bałbatnioj pra vykradańnie Mierca? Čaćviortym «uziaćciem» Kupianska ad Hierasimava? Pastajannymi jadziernymi pahrozami? Anieksijaj čatyroch ukrainskich abłaściej, jakija Kreml tak i nie zdoleŭ całkam zaniać za čatyry hady poŭnamaštabnaj vajny?
Tak što raźličvać na bolš vyhadnyja prapanovy Pucinu nie varta. Ich robiać mocnym — ale nie na słovach, a na spravie.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary