«Usie pieśni vydalenyja». Papularnaja błohierka Andžyliša pasvaryłasia z kampanijaj, źviazanaj ź niaviestkaj Łukašenki
Błohierka Andžyliša z entuzijazmam vystupała na «Marafonie adzinstva» i nasiła mierč Łukašenki. Ale ciapier, zdajecca, moža zastacca bieź ničoha.
Błohierka Andžyliša (Anhielina Michalova) z Mazyra. Na jaje kanał u YouTube padpisana 2,8 miljona čałaviek. U tyktoku ŭ Andžališy 3,8 miljona padpisčykaŭ.
Praz šalony pośpiech dziaŭčyna navat kinuła vučobu va ŭniviersitecie — jana vučyłasia ŭ Biełaruskim dziaržaŭnym univiersitecie kultury i mastactvaŭ na kulturołaha-mieniedžara. Padpisčykam tady Andžyliša ščyra pryznałasia, što vielmi bajałasia raźmierkavańnia: «Ja vielmi chvalavałasia, što mianie mohuć kudy-niebudź adpravić adpracoŭvać i maja karjera, jakaja idzie ŭvierch, moža spynicca».
Prasoŭvańniem Andžylišy jak śpiavački zajmałasia muzyčnaja kampanija «Fłahman Mjuzik», jakaja źviazanaja ź niaviestkaj Łukašenki Hannaj Siałuk. Na Andžylišu čas ad času skardziłasia danosčyca Volha Bondarava, ale zdavałasia, što papularnaj błohiercy z takim dacham chvalavacca nahody niama.
Andžylišu razam ź inšymi błohierami Dzim Dzimyčam i Ulkaj Pulkaj aktyŭna vykarystoŭvali dla prapahandy siarod školnikaŭ. Jany śpiavali pieśni ŭ padtrymku Łukašenki, nasili jaho mierč i vystupali na «Marafonie adzinstva». A letaś dali kancert u akupavanym Krymie.
Zaśviaciłasia Andžyliša i ŭ pieršym ajčynnym interaktyŭnym sieryjale «Zumiery».
Ale niešta pajšło nie tak. U kancy śniežnia dziaŭčyna zapisała videa, u jakim płača praz toje, što ŭsie jaje pieśni byli vydaleny.
Ciapier ža błohierka raskazała padpisčykam padrabiaznaści: «Fłahman Mjuzik», ź jakoj jana pracavała try hady, zabrała jaje prajekt i vydaliła ŭsie pieśni z muzyčnych placovak.
— Jany na hetym nie spynilisia i siońnia ŭ artysta Andžy vyjšaŭ novy trek biez majho viedama. Aficyjna zajaŭlaju: da hetaj pieśni ja nie maju nijakaha dačynieńnia. Vokładka, tekst, bit zrobleny z dapamohaj niejrasietak — iznoŭ ža, biez majho ŭdziełu. Nijakaha tvorčaha pracesu z hetymi ludźmi ŭ mianie ŭžo daŭno niama. Nas źviazvajuć tolki jurydyčnyja momanty, jakija zaraz vyrašajucca. Nijakich maralnych acenak «Fłahman Mjuzik» ja davać nie budu i nie chaču. Prosta hetaje dziejańnie ź ich boku, na maju dumku, hańbić moj honar i hodnaść jak artystki.
Pora vriemia vam rasskazať pričinu ułalenija vsiech triekov, a takžie počiemu na «anži» vyšieł novyj triek…
Letaś praz kanflikt z «Fłahman Mjuzik» syšła błohierka Ulka Pulka. Usie svaje staronki ŭ sacyjalnych sietkach dziaŭčyna pakinuła va ŭłasnaści muzyčnaj kampanii. Pry hetym tolki na YouTube-kanale dziaŭčyna mieła bolš za 3 miljony padpisčykaŭ.
Ciapier sprabuje pačać usio z nula ŭžo pad svaim realnym proźviščam — Uljana Stalarova.
«Naša Niva» — bastyjon biełaruščyny
PADTRYMAĆPraŭładnaj błohiercy Andžališy zrabili prapanovu ruki i serca na 3 lipienia
Dzim Dzimyča nie ŭziali ŭ łukašenkaŭskuju «Biełuju Ruś»
Navošta «Mierzkij Kokobaj» rekłamuje vystavu prapahandystaŭ? Zdajecca, dziaržava znajšła novy sposab narmalizavać błohieraŭ
Bondarava zajaviła, što vyjhrała sud. I zaklajmiła tych, chto ŭsadziŭ joj nož u śpinu
Kamientary
najci pokručie kryšu
i s etoj novoj kryšiej
najechać na siałuk