Крама адмовілася прыняць падарункавы сертыфікат без чэка. Ці законна гэта?
Такая сітуацыя адбылася з мінчанкай у адной з гандлёвых сетак, піша «Анлайнер». Але крама не мае права так рабіць, адназначна сцвярджаюць у Міністэрстве антыманапольнага рэгулявання і гандлю.
«Прадавец не мае права вызначаць умовы, якія ўплываюць на магчымасць выкарыстання падарункавага сертыфіката», — сцвярджаюць чыноўнікі.
Калі ж чалавек усё ж з такім сутыкнуўся, то можна спаслацца на Палажэнне аб парадку і ўмовах рэалізацыі тавараў, зацверджанае пастановай Савета Міністраў Рэспублікі Беларусь №935 ад 22 снежня 2018 года.
Пункт 4 гэтага дакумента забараняе выканаўцу вызначаць умовы рэалізацыі тавараў, выканання работ і аказання паслуг па падарункавых сертыфікатах, калі яны робяць немагчымым выкарыстанне сертыфіката на працягу тэрміну дзеяння.
Каментары