Babaryka raskazaŭ, jakuju paradu jamu daŭ prosty čałaviek, jaki zastaŭsia ŭ Biełarusi
Były bankir, pretendent u prezidenty-2020 i były palitviazień Viktar Babaryka apisaŭ u fejsbuku razmovu, jakaja ŭ jaho niadaŭna adbyłasia.
«Niadaŭna ŭ mianie była razmova z zusim prostym čałaviekam, jaki zastaŭsia ŭ Biełarusi i akreśliŭ adzin sa svaich boleŭ. Ź jaho zhody ja vykładaju častku hetaj razmovy, zachoŭvajučy ŭsie asablivaści vykazvańniaŭ:
JON: Tyja, chto žyvie tut — inšyja. I mnohija, tyja samyja, što byli. Niahledziačy ni na što.
Ja: Nie pahadžusia. My ŭsie — adnolkavyja, ale pastaŭlenyja ŭ roznyja miežavyja ŭmovy. Tamu vymušanyja pastupać pa-roznamu i ŭsio ž zachoŭvać u dušy ahulnyja kaštoŭnaści:
— luboŭ i pavahu da siabie i svaich rodnych;
— žadańnie rabić toje, što tabie padabajecca i adpaviadaje tvaim zdolnaściam i mahčymaściam, a nie prosta zarablać na chleb, navat kali jon z masłam;
— być razam i akružanymi ciepłynioj siabroŭ i blizkich i dapamahać im, viedajučy, što, u vypadku patreby, i jany pryjduć tabie na dapamohu.
JON: Zhodzien! Ale, na žal, my hladzim na śviet praź inšuju pryzmu adčuvańniaŭ.
Ja: Ale heta nie pavinna mianiać našu sistemu kaštoŭnaściaŭ. Śviet moža być žorstkim, ale kožny z nas zdolny zastacca dobrym i śvietłym.
U adnym ź listoŭ na volu moj syn napisaŭ: «Absalutnaj ciemry nie isnuje. Byvaje adsutnaść śviatła». Značyć, navat maleńkaja karotkaja ŭspyška pieramahaje ciemru. I ja vieru, što kožny z nas moža być hetaj iskrynkaj. I viedaju, što takich nośbitaŭ dabra i śviatła siarod biełarusaŭ mnostva.
JON: Dziakuj! Abapryciesia na tych, chto tut. Skažycie za tych, chto nie moža skazać.
Ja nie viedaju, nakolki važna heta vam, ale dla mianie hetaja razmova i jaje finał nadzvyčaj darahija», — piša Babaryka.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna3
Kamientary