Na tarhi vystavili sanatoryj «Rečańka», jaki znachodzicca ŭ Dziatłaŭskim rajonie, zaŭvažyŭ Realt.by. Cana nie vielmi vysokaja.
Ad Minska da hetych miescaŭ kala 220 km, pobač ciače raka Ščara i znachodzicca łandšaftny zakaźnik «Lipičanskaja pušča». Pavodle vodhukaŭ u siecivie, miescy tam vielmi pryhožyja, jość cudoŭnyja maršruty dla bajdaračnikaŭ.
Dvuchpaviarchovy cahlany budynak sanatoryja byŭ pabudavany ŭ kancy 1960-ch hadoŭ prosta ŭ lesie. U savieckija hady jon byŭ davoli papularnym miescam adpačynku. Naprykład, tut lubiŭ pravodzić volny čas viadomy paet Piatruś Broŭka. U «Rečańcy» navat pracavała ŭłasnaja hrazielačebnica.
Adnak ža, kali časy pamianialisia, sanatoryj zakryli, jahonyja budynki mocna struchleli, a asfaltavanaja daroha da doma adpačynku zarasła mocham.
Ahulnaja płošča pabudoŭ sanatoryja naličvaje kala 1500 «kvadrataŭ», fizičny znos budynkaŭ składaje 46-48%. Akramia karpusoŭ sanatoryja, u arendu zdajecca taksama ziamielny ŭčastak pamieram 5 hiektaraŭ.
Tarhi za były sanatoryj pačnucca z 54 tysiač rubloŭ (prykładna 17 tys. dalaraŭ). Krok aŭkcyjonu składzie 2,7 tysiačy rubloŭ. Zajaŭki prymajucca da 28 sakavika, a sam aŭkcyjon projdzie 31 sakavika ŭ 11:00 na elektronnaj placoŭcy ZAT «Biełrealizacyja».
Raniejšyja sproby pradać były dom adpačynku «Rečańka» skončylisia biezvynikova.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk4
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2121
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu21
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary