Ajcišnik, jaki zarablaŭ u Minsku 3000 jeŭra, pracuje ŭ Polščy ŭ dastaŭcy praduktaŭ i vielmi zadavoleny

Pracuju ŭ Glovo, u Biełarusi 7 hadoŭ pracavaŭ UX/UI dyzajnieram. Za hety čas paśpieŭ całkam vyharać, tamu vyrašyŭ pasprabavać niešta inšaje.

Usio koła znosin składajecca z ajcišnikaŭ, i ja chvalavaŭsia, što mianie nie zrazumiejuć. Plus paśla zarpłaty 3000 jeŭra ŭ Minsku niaprosta pierajści na minimałku ŭ Polščy. A što stavić u LinkedIn paśla Senior Product Designer? Goose farmer?

U vyniku ja vyrašyŭ, što chopić tracić nazapašanyja na kvateru hrošy i praź siłu prachodzić sumoŭi na pracu, jakuju nie chočaš.

Uładkavaŭsia na skład «Biedronki» kamplektoŭščykam. Heta nievierahodna ciažkaja praca. Za dzień treba sabrać kala 6 ton palet.

Ja vielmi stamlaŭsia, ale ŭpieršyniu za šmat hadoŭ z uśmieškaj jechaŭ na pracu.

Praź niekalki miesiacaŭ majo ofisnaje cieła pačało mocna stamlacca (chacia ja paśpieŭ skinuć vahu i narmalna padkačacca, usim rekamienduju).

Tady vyrašyŭ pasprabavać Glovo. Kupiŭ sabie kłasny novy elektrarovar, i ŭžo praz dva dni razvoziŭ zakazy.

Jak pracujuć kurjerskija słužby i taksi ŭ Polščy? Jany pracujuć praź firmy-pasiaredniki, jakija zajmajucca najmam i vypłatami.

Staŭka za hadzinu vielmi nizkaja (30—40 złotych abo 7,8—10,4 dalara), tamu partniory znajšli, na moj pohlad, nie zusim lehalnuju schiemu.

Jany zaklučajuć z taboj fiktyŭny dahavor na arendu, naprykład, viełasipieda i płaciać tabie hrošy, byccam ty im addaješ svoj rovar u karystańnie. A rovara moža naohuł i nie być.

U vyniku firmy-partniory «arandujuć» tysiačy viełasipiedaŭ i płaciać za ich kurjeram hrošy.

Dziakujučy hetamu kurjery płaciać usiaho 8,5% padatkaŭ, i mnohija navat hetaha nie robiać.

U kurjeraŭ niama miedycynskaj strachoŭki. Heta niebiaśpiečnaja prafiesija. U čatach baču, što kurjery časta padajuć abo traplajuć u avaryi. Niadaŭna ŭ Krakavie chłopca pierajechaŭ tramvaj.

Partniory prapanujuć płacić minimalny ZUS (padatak na sacstrachoŭku) — 560 złotych (141 dalar) u miesiac, i tady ŭ ciabie jość miedstrachoŭka.

Ale ja nie sustrakaŭ kurjeraŭ, jakija na takoje pahadžajucca.

Zvyčajna ŭsie pracujuć biez strachoŭki, kab zekanomić.

Kab padacca na kartu pobytu, treba płacić 2400 złotych padatkaŭ (626 dalaraŭ), i mała chto na heta pahadžajecca.

Pa mižnarodnaj abaronie abo šukać kurjerskuju słužbu z narmalnaj damovaj. Lisek i Pyszne — dva varyjanty, dzie možna lehalna ŭładkavacca.

Jeŭrasajuz uziaŭsia za pravy kurjeraŭ, i ŭ bližejšyja 1—2 hady jość vierahodnaść, što ŭsich kurjeraŭ u ES pryznajuć rabotnikami kurjerskich kampanij.

Ciapier jany ličacca samazaniatymi, tamu nie majuć nijakich pravoŭ i sacyjalnych harantyj.

Mnie padabajecca pracavać ź ludźmi. Zvyčajna ŭsie vielmi radyja, kali bačać kurjera. Pa maich nazirańniach, u Polščy ludzi mienš kanfliktnyja i bolš pryvietlivyja ŭ paraŭnańni ź biełarusami.

U siarednim kurjery zarablajuć 1—2 tysiačy jeŭra (pry pracy 40—50 hadzin u tydzień). Na viełasipiedzie — 30 złotych u hadzinu. Na aŭto abo skutary — 40—45 (10—12 dalaraŭ).

Arenda rovara — 600—800 złotych u miesiac (156—210 dalaraŭ). Skutar — 1200 i bolš (bolš za 310 dalaraŭ).

Dyzajniery Glovo vydatna papracavali. U dadatku šmat hiejmifikacyj i čelendžaŭ.

Naprykład, kali dastaviš 100 zakazaŭ na 8 sakavika — atrymaješ bonus 200 złotych (52 dalary). Heta niašmat, ale ŭsio roŭna pryjemna.

Płanuju zastacca ŭ dastaŭcy jašče nadoŭha. Letam chaču kupić elektramabil i pracavać na im.

Na skutary i matacykle taksama chaču pasprabavać.

Mnie padabajecca hetaja praca, i ja spadziajusia, što jana budzie mnie padabacca jašče doŭha.

• 34
• 0
• 4
• 9
• 2
• 2
• 0
• 0