Film «Pad šerym niebam», dzie pratatypam stała Kaciaryna Andrejeva, vychodzić u polski prakat
U polskich kinateatrach jon budzie pakazany z 28 sakavika, paviedamiła ŭ svaim fejsbuku režysiorka Mara Tamkovič.
Kinastužka raskazvaje pra historyju žurnalistki Leny Antonavaj i Illi Iharava, sužencaŭ, jakija i stali ŭvasableńniami Kaciaryny Andrejevaj i Ihara Iljaša.
Usio pačynajecca ŭ minskim taksi, dzie Alena Antonava i jaje apieratarka Volha Kalcova (kinošnaje ŭvasableńnie Darji Čulcovaj) jeduć zdymać pratesty na Płoščy pieramien. Dziela biaśpieki žurnalistki pracujuć z žyłoj kvatery, i ŭ niejki momant mima ich pralataje dron siłavikoŭ. Alena razumieje, što ich mahli zaŭvažyć, ale vyrašaje zastacca ŭ kvatery, kab nie spyniać strym — viadoma, usio skančajecca ŭvarvańniem siłavikoŭ.
Za strym z Płoščy Pieramien Kaciaryna Andrejeva atrymała dva z pałovaj hady kałonii, ale z turmy nie vyjšła, jaje potym asudzili jašče na vosiem hadoŭ kałonii, jaje muža Ihara Iljaša zatrymali ŭvosień minułaha hoda i taksama buduć sudzić za «sadziejničańnie ekstremisckaj dziejnaści» i «dyskredytacyju Biełarusi».
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1010
Kamientary