«My budziem adkazvać na ŭsie ŭdary z boku Rasii». Zialenski adreahavaŭ na zajavu Kramla paśla pieramoŭ z ZŠA

«Pucin biare adčuvalnuju temu, padymaje temu mabilizacyi. Što za hetym staić — mabilizacyjaj, zbrojaj? Pasłableńnie ŭkrainskaj armii. Pytańnie nie ŭ mabilizacyi, a ŭ tym, kab kolkasny skład armii źmienšyŭsia. Hety ŭltymatum byŭ u pačatku vajny», — skazaŭ jon u razmovie z žurnalistami.

Što tyčycca raźviedki i zbroi, to, pa słovach Zialenskaha, Pucin bačyŭ, što ZŠA mohuć rabić takija kroki i tamu jon parušaje toje, «što moža spracavać».

«Heta znoŭ pasłableńnie armii. Heta značyć usia hulnia jaho — kab nas maksimalna asłabić… Ja liču, što našy partniory nie prymuć patrabavańnie spynić uzbrojvać Ukrainu, tamu što heta asłabić našu pazicyju», — dadaŭ jon.

Zialenski miarkuje, što Pucin nie dazvolić atrymać spynieńnie ahniu chutka, jon zavalić Ukrainu ŭmovami — ciapier jość prapanova spynić udary pa enierhietyčnych abjektach, heta moža być sposabam prasunucca da spynieńnia ahniu.

«Pry pasiarednictvie ZŠA Rasija i Ukraina mohuć damovicca nie bić pa infrastruktury adzin adnaho. Ale nie moža być i havorki pra toje, što Rasija praciahvaje heta rabić, i čakajecca, što Ukraina hetaha nie budzie rabić. My budziem adkazvać na ŭsie ŭdary z boku Rasii, kali my nie budziem uciahnutyja ŭ hetaje pahadnieńnie. My hatovyja prytrymlivacca hetaha pahadnieńnia, kali jano budzie dasiahnuta i padtrymana ZŠA», — dadaŭ jon.

U toj ža čas Zialenski niekalki razoŭ adznačyŭ, što jamu jašče nieviadomyja detali pieramoŭ Donalda Trampa i Uładzimira Pucina.

Uviečary 18 sakavika Tramp i Pucin praviali amal dvuchhadzinnyja telefonnyja pieramovy. Pa paviedamleńni Biełaha doma, jany pahadzilisia, što ruch da miru pačniecca z «enierhietyčnaha i infrastrukturnaha spynieńnia ahniu, a taksama techničnych pieramoŭ pa ŭkaranieńni marskoha pieramirja ŭ Čornym mory, poŭnaha spynieńnia ahniu i ŭstanaŭleńnia pastajannaha miru».

U Kramli śćviardžajuć, što Pucin padtrymaŭ ideju Trampa ab miesiačnym maratoryi na ŭzajemnyja ŭdary pa enerhietyčnaj infrastruktury — «stanoŭča adhuknuŭsia na hetuju inicyjatyvu i adrazu daŭ rasijskim vajskoŭcam adpaviednuju kamandu».

U toj ža čas Pucin, jak paviedamlaje Kreml, paznačyŭ «šerah istotnych momantaŭ», jakija tyčacca kantrolu za spynieńniem ahniu na ŭsioj linii bajavoha sutyknieńnia, a taksama vykazaŭsia pra nieabchodnaść «spynieńnia prymusovaj mabilizacyi» va Ukrainie i pieraŭzbrajeńnia USU. Taksama rasijski prezident nazvaŭ «klučavoj umovaj dla niedapuščeńnia eskałacyi» poŭnaje spynieńnie zamiežnaj vajskovaj dapamohi i abmienu raźviedvalnaj infarmacyjaj z Kijevam. 

• 15
• 0
• 1
• 2
• 1
• 1
• 0
• 0