Navučalny zbor z vajennaabaviazanymi terytaryjalnych vojskaŭ startuje ŭ aŭtorak u Hrodzienskim rajonie, paviedamlaje pres-słužba Ministerstva abarony.
Zbor praciahniecca da 18 krasavika i projdzie pad kiraŭnictvam staršyni Hrodzienskaha haradskoha vykanaŭčaha kamiteta. Jak padkreślili ŭ Minbarony, mierapryjemstva maje płanavy charaktar.
U chodzie navučalnaha zboru budzie praviedzieny pryjom vajennaabaviazanych terytaryjalnych vojskaŭ. Taksama płanujecca adnavić navyki kamandnaha składu ŭ kiravańni padnačalenymi, padrychtavać vajennaabaviazanych da vykanańnia zadač zhodna ź ich słužbovym pryznačeńniem, a taksama adpracavać pytańni farmiravańnia, padrychtoŭki i prymianieńnia atrada narodnaha apałčeńnia.
«U mierapryjemstvach buduć zadziejničany supraćtankavyja artyleryjskija padraździaleńni terytaryjalnych vojskaŭ, zaniatki ź jakimi projduć na palihonach Uzbrojenych sił i ŭčastkach miascovaści Hrodzienskaha rajona», — havorycca ŭ paviedamleńni Minbarony.
Zbor zavieršycca kamandna-štabnym vučeńniem ź siłami terytaryjalnaj abarony rajona.
Kamientary