Hramadstva135135

Šrajbman: Ja nie vieru ŭ «zianonaŭskuju dyktaturu», jakaja budzie paśladoŭna biełarusizavać biełarusaŭ

Palityčny analityk Arciom Šrajbman paŭdzielničaŭ u dyskusii adnosna taho, ci abaviazkova novaja Biełaruś pavinna być biełaruskamoŭnaj.

Arciom Šrajbman

U novym vypusku jutub-prajekta «Hadzińničak cikaje» Ženia Suhak zaŭvažyła, što ŭ ludziej unutry krainy šmat cikaŭnaści da ŭsiaho biełaruskaha. Błohiery papularyzujuć biełaruskuju movu, niekatoryja na hetym vybudoŭvajuć svaje biznesy. I hetyja pracesy śviedčać ab tym, što biełaruskaja mova nie zahinie.

«Zaraz, mnie zdajecca, heta takaja forma sublimacyi taho, što raniej vylivałasia na vulicy pratestami. Nie abaviazkova asensavana. Prosta vyrastajuć śviadomyja sumlennyja ludzi, jakija nie mohuć pajści na vulicu, stać aktyvistami, pravaabaroncami, žurnalistami. Adzinaje, što zastajecca, heta rabić moŭnaśviadomyja rečy», — zaŭvažyŭ Arciom Šrajbman.

Pa pohlad Ryhora Astapieni, hałoŭnym źjaŭlajecca pytańnie identyčnaści. I jano nieabaviazkova źviazana ź biełaruskaj movaj:

«Važna, kab ludzi sami dla siabie kazali: «Ja prynaležu da Biełarusi.

Jość roznyja šlachi. (…) Važna padkreślivać raznastajnaść Biełarusi. (…) Kali my budziem zahaniać siabie ŭ tuju madel, jakaja ŭžo adžyła svajo, mnie padajecca, heta nijakaj karyści nie atrymaje. Treba dumać pra raznastajnaść — i Maks Korž, i Mulavin, i draniki, i chaładnik, i Mark Formelle, i dažynki, i BNR, i BSSR. Ja dumaju, jość roznyja varyjanty, z čym hulacca, kab padkreślivać svaju biełaruskaść».

Z takim pohladam zhodny i Arciom Šrajbman. «Ja dumaju, što heta bolš palityčna ŭstojlivaja madel. Tamu što, kali vy budziecie ŭnifikavać tolki moŭna-etničny, moŭna-kulturny farmat pabudovy biełaruščyny, heta budzie palityčna niaŭstojliva. Vy budziecie pad ryzykaj, što inšyja palityčnyja siły, bolš prarasijskija, na hetym zhulajuć, i vaš prajekt prosta nie atrymajecca.

I vieryć, što budzie mahčymaść dziesiacihodździami trymać takuju «zianonaŭskuju dyktaturu», jakaja budzie niepachisnaja, nijak nie ŭraźlivaja dla palityčnych kankurentaŭ, jakaja budzie paśladoŭna biełarusizavać biełarusaŭ i, moža, praz pakaleńnie vyhaduje pravilnych biełaruskamoŭnych biełarusaŭ — heta iluzija».

Šrajbman ličyć, što, chutčej, my zmožam pryjści da pryznańnia biełaruskaj movy adzinaj dziaržaŭnaj, a nie da biełaruskamoŭnaj Biełarusi.

«Heta narmalna, što navat ruskamoŭnyja biełarusy mohuć padtrymać status adzinaj dziaržaŭnaj dla biełaruskaj. Jak heta adbyłosia ŭ Kazachstanie, jak heta adbyvajecca ŭ šmat jakich postsavieckich krainach, dzie napačatku nie było pieravažnaj bolšaści nośbitaŭ nacyjanalnaj movy, ale nijakich buntaŭ suprać hetaha taksama nie było.

Ja dumaju, što spačatku my možam pryjści da adzinaj dziaržaŭnaj. Ale da całkam biełaruskamoŭnaj ja nie viedaju, ci my kaliści dojdziem. Ale kali dojdziem, to heta budzie pytańnie dalokaj budučyni paśla adzinaj dziaržaŭnaj».

Kamientary135

  • Ojioj
    24.03.2025
    Oj ja nimahu z hetych analitykaŭ, ci nam treba analityk kab zrazumieć, što ŭsich darosłych biełarusaŭ nie pieravučyš na biełaruskuju movu? Pytańnie tut u adukacyi, a jana pavinna być na 99% pa-biełarusku, rešta - pa anhlijsku.
  • Prahnoz
    24.03.2025
    Uch i srač zaraz raspačniecca...
  • Pisarovič
    24.03.2025
    Ja nie vieru ŭ "analityku" Šrajbmana.

Ciapier čytajuć

Azaraŭ adkryŭ u Varšavie detektyŭnaje ahienctva «Reks»

Azaraŭ adkryŭ u Varšavie detektyŭnaje ahienctva «Reks»

Usie naviny →
Usie naviny

U tranślacyi inaŭhuracyi Łukašenki vykarystali kampjutarnuju hrafiku. Voś u jakim momancie16

«Ja schapiŭ jaje za ściohny, kab nie paśliznucca». U Paryžy idzie sudovy praces nad Žeraram Depardjo pa abvinavačvańni ŭ seksualnym hvałcie5

Kolki ŭ Biełarusi možna zarabić na vałasach? Ich nabyvajuć navat z vošami3

Džej Dzi Vens vyrašyŭ dałučycca da žonki padčas vizitu ŭ Hrenłandyju. Na vostravie vizit nazvali pravakacyjaj3

Rubiel umacoŭvajecca. Što heta aznačaje dla ekanomiki i dla kašalkoŭ4

«Jon dobry čałaviek». Tramp nie staŭ zvalniać svajho daradcu paśla ŭciečki infarmacyi ŭ čat Signal8

Jak biełarusy pa ŭsim śviecie adznačyli Dzień Voli FOTY8

Jeŭrapiejskija kampanii admaŭlajucca ad amierykanskich servisaŭ praz Trampa6

Brescki błohier pakazaŭ, jak kitajski elektrakar bačyć zdaniaŭ na mohiłkach VIDEA2

bolš čytanych navin
bolš łajkanych navin

Azaraŭ adkryŭ u Varšavie detektyŭnaje ahienctva «Reks»

Azaraŭ adkryŭ u Varšavie detektyŭnaje ahienctva «Reks»

Hałoŭnaje
Usie naviny →

Zaŭvaha:

 

 

 

 

Zakryć Paviedamić