Minabarony Rasii abvinavaciła USU va ŭdary pa hazavymiaralnaj stancyi «Sudža» z dapamohaj HIMARS
Udar nibyta byŭ naniesieny ranicaj 28 sakavika. U vyniku ataki «adbyłosia mocnaje zaharańnie, i enierhietyčny abjekt faktyčna źniščany», śćviardžaje rasijskaje viedamstva.
Akramia taho, USU atakavali dronami infrastrukturu Sarataŭskaha naftapierapracoŭčaha zavoda, a taksama abjekt «Biełhoradenierha» ŭ Biełharodskaj vobłaści, paviedamlaje Ministerstva abarony Rasii.
«Takim čynam, usie publična zajaŭlenyja abaviazacielstvy kijeŭskaha režymu ab nibyta spynieńni naŭmysnych atak pa rasijskaj hramadzianskaj enierhietyčnaj infrastruktury źjaŭlajucca čarhovaj chitraściu Zialenskaha z metaj nie dapuścić abvału frontu USU i adnavić svoj vajenny patencyjał z dapamohaj jeŭrapiejskich «sajuźnikaŭ», — havorycca ŭ paviedamleńni Minabarony Rasii.
21 sakavika Minabarony Rasii ŭžo abvinavačvała USU ŭ padryvie hazavymiaralnaj stancyi «Sudža» padčas adstupleńnia z Kurskaj vobłaści. Heta rasijskaje viedamstva nazvała «dyskredytacyjaj mirnych inicyjatyŭ prezidenta ZŠA». U Hienštabie USU hetyja abvinavačańni admaŭlali.
Siońnia Rada nacyjanalnaj biaśpieki i abarony Ukrainy zajaviła, što Rasija sama naniesła ŭdar pa stancyi ŭ Sudžy.
«Mis Biełaruś» usio bolš nahadvaje konkurs pryhažości ŭ haremie23
Kamientary
I zamieťtie, hłavnoje - čto "nanieśli chajmarsom", čtoby trampuškie razdolje było i ruki raźviazany v očieriednom izdievatielstvie ( priekraŝienii pieriedači raźvieddannych i vojennoj pomoŝi) nad Zielenskim i Ukrainoj.