VK stvaraje anałah usieachopnaha kitajskaha WeChat ź dziaržpasłuhami i płaciažami
Jon budzie dastupny i dla biełaruskich SIM-kart.
Rasijski technałahičny chołdynh VK rychtuje da zapusku beta-viersiju novaj ličbavaj płatformy Max, paviedamlajuć «Viedamaści» sa spasyłkaj na dva krynicy, znajomyja z płanami kampanii. Na pieršym etapie karystalnikam buduć dastupnyja miesiendžar, mini-dadatki, kanstruktar čat-botaŭ i płaciežnaja sistema.
U dalejšym u Max źjaviacca dziaržaŭnyja i inšyja servisy dla vyrašeńnia paŭsiadzionnych zadač, adznačajuć surazmoŭcy. Kali prajektu ŭdasca intehravać dziaržaŭnyja servisy, płatforma Max patencyjna moža stać rasijskim anałaham kitajskaha WeChat, padkreśliŭ adzin ź insajdaraŭ, blizki da VK.
Pradstaŭnik VK paćvierdziŭ «Viedamaściam», što beta-viersija Max źjavicca ŭ kramach dadatkaŭ u najbližejšy čas. U joj buduć dastupnyja: praź miesiendžar, zvanki i hałasavyja paviedamleńni pierasyłka fajłaŭ abjomam da 4 HB.
Dla zabieśpiačeńnia jakaści suviazi kamanda Max užo ŭstanaviła dadatkovyja miedyjasierviery pa ŭsioj terytoryi Rasii i ŭkaraniaje technałohii mašynnaha navučańnia dla palapšeńnia jakaści pieradačy hołasu.
Na pieršym etapie zarehistravacca ŭ Max zmohuć uładalniki rasijskich i biełaruskich SIM-kart.
Jak udakładniŭ pradstaŭnik VK, Max nie budzie intehravany ź inšymi płatformami chołdynhu — VK, «Adnakłaśniki», VK Miesiendžar i VK Teams.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary