Sud Viciebskaha rajona abviaściŭ prysud pa spravie byłoha namieśnika staršyni Libieralna-demakratyčnaj partyi Siarhieja Jarmykina i jaho raniej sudzimaha paplečnika Juryja Miarźlenki, paviedamlaje Tut.by.
Miarźlenku asudzili da 7 hadoŭ pazbaŭleńnia voli z kanfiskacyjaj majomaści, Jarmykin atrymaŭ 5 hadoŭ kałonii.
Rašeńnie suda nie ŭstupiła ŭ zakonnuju siłu i moža być abskardžana ŭ apielacyjnym paradku.
Nahadajem, Siarhiej Jarmykin i Juryj Miarźlenka byli zatrymanyja siłavikami ŭ žniŭni 2018 hoda. Śledčy kamitet u dačynieńni da ich pačaŭ kryminalnuju spravu pa častcy 4 artykuła 209 KK — «Machlarstva ŭ asabliva bujnym pamiery».
U jakaści paciarpiełych značylisia jak minimum 5 žycharoŭ Viciebskaj vobłaści. Jarmykin i Miarźlenka braviravali suviaziami ŭ roznych dziaržorhanach i śćviardžali, što mohuć vyrašyć roznyja pytańni — ad viadzieńnia sumiesnaha biznesu da zakryćcia kryminalnaj spravy. Tandem atrymaŭ hrošy i inšuju majomaść hramadzian pad markaj davańnia chabaraŭ dziaržsłužačym i zakupak abstalavańnia dla vytvorčaści pielmieniaŭ. Takim čynam jany «zarabili» niekalki dziasiatkaŭ tysiač dalaraŭ.
Siarhiej Jarmykin byŭ namieśnikam staršyni Libieralna-demakratyčnaj partyi Biełarusi, uznačalvaŭ Viciebskuju abłasnuju arhanizacyju ŁDP i značyŭsia pamočnikam člena Savieta Respubliki Siarhieja Hajdukieviča.
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary