Kłubnicy ad 12,5 rubla, bujaki pa 100. Što pradajuć na viasnovaj Kamaroŭcy
Zielanina, redźka, maładaja kapusta i pieršyja skrynački kłubnic užo zaniali svaje miescy na pryłaŭkach. Na šerahach sapraŭdnaje śviata vitaminaŭ. Małady časnyk kaštuje kala 25 rubloŭ za kiłahram, a za pučok kropu ci piatruški prosiać ad 2 da 3 rubloŭ. Ale asabliva vyłučajecca zialonaja cybula — 3—4 rubli za pučok, piša Onliner.by.
Radyska ŭžo na ŭsiu moc pradstaŭlena na pryłaŭkach — sakavitaja, chrumstkaja i na ździŭleńnie niedarahaja — kala 7 rubloŭ za kiłahram. Buraki i morkva sa starych zapasaŭ kaštujuć pa 1,2—1,5 rubla, a za maładuju kapustu prosiać kala 6. Bulba zastajecca stabilnaj — 2-3, 5 rubla za kiło.
Tamaty pačynajucca ad 5 rubloŭ i dachodziać da 25, pierac kaštuje plus-minus 7 rubloŭ za kiło, ahurki taksama zafiksavanyja ŭ rajonie 7 rubloŭ.
A voś kłubnicy — dla tych, chto vielmi zasumavaŭ. Biełaruskich jašče niama, ale impartnyja možna znajści ad 12 da 15 rubloŭ za kiłahram (uvažliva vyvučajcie ceńniki — časam takaja «staŭka» ŭsiaho za paŭkiłahrama). Źjavilisia i pieršyja bujaki, cana — 100 rubloŭ za kiło.
Ciapier čytajuć
70-hadovuju žančynu z Homiela pasadzili za kamientary. Heta samaja pažyłaja palitźniavolenaja14
Kamientary