Kaardynacyjnaja Rada prapanavała uvieści novuju pasadu — upaŭnavažanaha pa pravach hramadzian Biełarusi. Pravaabaroncy nie padtrymali heta.
Prajekt stvareńnia instytuta ŭpaŭnavažanaha pa pravach hramadzian Biełarusi razhladaŭsia na apošnich słuchańniach KR.
Siońnia viadučyja biełaruskija pravaabarončyja arhanizacyi apublikavali svaju pazicyju adnosna inicyjatyvy. Jany miarkujuć, što takaja struktura ŭ siońniašnich umovach budzie nieefiektyŭnaj i nie apraŭdanaj.
U dakumiencie adznačajecca, što prapanavany mandat — zanadta šyroki i dubliruje dziejnaść užo isnujučych pravaabarončych arhanizacyj, hramadzianskich inicyjatyŭ i mižnarodnych miechanizmaŭ. Upaŭnavažany ŭ narmalnaj dziaržavie maje inšyja status i mahčymaści, u tym liku dziaržaŭnaje finansavańnie i realnyja paŭnamoctvy. U vyhnańni takich umoŭ niama — tamu novaja struktura budzie farmalnaj i simvaličnaj, źviartajuć uvahu pravaabaroncy.
Pravaabaroncy taksama krytykujuć nazvu («pa pravach hramadzian Biełarusi»), jakaja supiarečyć mižnarodnym standartam, bo instytut Upaŭnavažanaha pavinien abaraniać pravy ŭsich ludziej, a nie tolki hramadzian krainy. Akramia taho, zvaroty da takoj struktury z terytoryi Biełarusi mohuć być niebiaśpiečnymi dla ludziej — asabliva kali sam instytut budzie pryznany «ekstremisckim».
Zamiest hetaha pravaabaroncy prapanujuć demsiłam stvaryć asobnuju pazicyju, adkaznuju za abaronu pravoŭ biełarusaŭ u vyhnańni. Takaja struktura mieła b realny sens i mahła b uzajemadziejničać z zamiežnymi instytutami.
Pad zvarotam padpisalisia Biełaruski Chielsinkski Kamitet, «Viasna», Human Constanta, «Pravavaja inicyjatyva», Biełaruski PEN i inšyja arhanizacyi.
Kamientary
[Zredahavana]