Estonski parłamient razhledzić zakonaprajekt, jaki dazvalaje pry ŭźniknieńni pahroz užyvać siłu ŭ dačynieńni da handlovych sudnaŭ nie tolki ŭ svaich terytaryjalnych vodach.
U sieradu, 9 krasavika, parłamient Estonii (Ryjhikohu) razhledzić zakonaprajekt, jaki dazvalaje vajskoŭcam krainy ŭžyvać siłu da handlovych sudnaŭ u Bałtyjskim mory, što ŭjaŭlajuć pahrozu nacyjanalnaj biaśpiecy, piša Dw.de.
Pavodle prajekta rezalucyi, uchvalenaj parłamienckim kamitetam pa nacyjanalnaj abaronie, armija krainy atrymaje mahčymaść užyvać siłu dla abarony infrastruktury, abaronnych abjektaŭ, partoŭ, abstalavańnia abo sudnaŭ, što akazvajuć žyćciova važnyja pasłuhi. U krajnim vypadku estonskija vajskoŭcy zmohuć patapić sudna, jakoje ŭjaŭlaje pahrozu.
Takija miery buduć prymianiacca tolki ŭ vypadku, kali praduchilić pahrozu inšymi sposabami niemahčyma, i kali mahčymyja straty ad dziejańniaŭ sudna bolšyja, čym ad jaho patapleńnia. Naprykład, karabiel nie buduć tapić tolki z-za namieru paškodzić padvodnyja kabieli. Akramia taho, ekipaž sudna budzie zahadzia papiaredžany pra dziejańni armii Estonii i evakujavany.
«Heta daść nam mahčymaść dziejničać nie tolki ŭ terytaryjalnych vodach — h.zn. za 12 marskich milaŭ, što adličvajucca ad bieraha i vyspaŭ, jak u nas, tak i ŭ kožnaj krainy, — ale i ŭ vyklučnaj ekanamičnaj zonie. Da samaj miažy, dzie ekanamičnaja zona Estonii sudakranajecca z zonami inšych krain», — zajaviŭ staršynia kamiteta nacyjanalnaj abarony Dziaržaŭnaha schodu Kalev Stajčesku.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary