Rasijski sud pryhavaryŭ da 14 hadoŭ kałonii dźviuch žycharak akupavanaha Enierhadara z-za pieravodaŭ USU
Asudžanyja byli Ł. Kačkarova i S. Daŭhapałava.
Stvoranaja rasijskimi ŭładami prakuratura ŭ anieksavanym Krymie śćviardžaje, što z studzienia 2024 hoda adna z žančyn pieraviała praz mabilny dadatak kala piaci tysiač hryŭniaŭ (kala 120 dalaraŭ) sa svajho rachunku «na rachunki zamiežnaha banka, jaki vykarystoŭvajecca śpiecsłužbami Ukrainy».
Druhaja žančyna, jak zajaŭlaje rasijskaje śledstva, u mai 2023 hoda pieraviała praz mabilny dadatak 2,4 tysiačy hryŭniaŭ (kala 60 dalaraŭ) z rachunku svajoj śviakroŭki «na rachunak zamiežnaha banka, jaki vykarystoŭvajecca śpiecsłužbami Ukrainy».
Na videa, apublikavanym Nacyjanalnym antyterarystyčnym kamitetam, adna z žančyn kaža, što pieravodziła pa 100—200 hryŭniaŭ (dva z pałovaj — piać dalaraŭ) Uzbrojenym siłam Ukrainy.
«Ja prosta hladzieła zabaŭlalny kanał, tam byŭ rachunak. Prasili to na ramonty, to na dapamohu», — skazała jana.
Druhaja žančyna raspłakałasia i prasiła prabačeńnia: «Ja vielmi škaduju pra heta. Vinavataja, viadoma, vielmi vinavataja».
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary