U pačatku krasavika biełaruski Park vysokich technałohij naviedała delehacyja Łandtaha Bavaryi na čale z členam kamiteta pa navucy i mastactvie Ulrycham Zinhieram, jaki źjaŭlajecca pradstaŭnikom pravapapulisckaj partyi «Alternatyva dla Hiermanii», paviedamlaje PVT.

U Parku adznačyli, što «deputaty ziamielnaha parłamienta aznajomilisia z historyjaj raźvićcia biełaruskaj IT-haliny, unioskam kampanij PVT u ekanomiku krainy, a taksama z najbolš viadomymi ličbavymi rašeńniami, raspracavanymi ŭ Biełarusi i viadomymi ŭ śviecie».
«Hości Parku paćvierdzili zacikaŭlenaść u raźvićci supracoŭnictva ź Biełaruśsiu», — havorycca ŭ paviedamleńni.
Heta nie pieršy vypadak, kali deputaty AdH prajaŭlajuć cikavaść da Biełarusi. U žniŭni minułaha hoda prezidyum parłamienta ziamli Saksonija ŭ Hiermanii nakłaŭ štraf na deputata ad AdH Jorha Dornau za jaho biznes u Biełarusi — kampaniju TAA «Cybulka-BIEŁ». U vieraśni 2024 hoda biełaruskija ŚMI paviedamlali, što na cybulnaj płantacyi Dornau pracavali, u tym liku, biełarusy, asudžanyja pavodle palityčnych artykułaŭ, dadaje DW-Bielarus.
Kamientary