Jeŭrapiejskija lidary hatovyja pačakać da mahčymaj sustrečy prezidenta Ukrainy Uładzimira Zialenskaha i rasijskaha lidara Uładzimira Pucina ŭ Turcyi, pierš čym šturchać ZŠA da ŭviadzieńnia novych sankcyj suprać Maskvy, piša Bloomberg.
«Pavodle źviestak krynic, amierykanski bok choča dać mahčymaść pravieści pieramovy pamiž Rasijaj i Ukrainaj u čaćvier, pierš čym uzmacniać cisk na Pucina», — piša vydańnie.
Adnačasova, kali Pucin admovicca ad sustrečy ź Zialenskim abo Rasija nie pahodzicca na nieadkładnaje i biezumoŭnaje spynieńnie ahniu ŭ čaćvier, jeŭrapiejskija lidary buduć zaklikać prezidenta Donalda Trampa vykanać svaju pahrozu ŭvieści sankcyi suprać Maskvy.
Administracyja Trampa raniej padrychtavała varyjanty ŭzmacnieńnia ekanamičnaha cisku na Rasiju. Tramp zajaŭlaŭ, što «ZŠA i ich partniory ŭviaduć dadatkovyja sankcyi», kali pieramirje nie budzie vykonvacca.
U toj ža čas padčas razmoŭ pamiž amierykanskimi i jeŭrapiejskimi čynoŭnikami ŭ paniadziełak amierykanski bok nie daŭ vyraznaha adkazu, ci hatovy jon, jak i raniej, uvodzić sankcyi suprać Rasii, kali napady praciahnucca na hetym tydni, abo što jon budzie rabić, kali Pucin admovicca ad sustrečy ź Zialenskim i praciahnie napadać na Ukrainu.
Uładzimir Pucin prapanavaŭ pravieści pramyja pieramovy pamiž rasijskim i ŭkrainskim bokam u Stambule. Ukrainski lidar Uładzimir Zialenski naŭprost zajaviŭ, što pajedzie ŭ Stambuł 15 maja i budzie asabista čakać tam Pucina. Mahčyma, tudy pryjdzie i Tramp.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho3
Kamientary