Na subotniku ŭ Minsku Łukašenka sadžaŭ drevy, škodnyja dla biełaruskaj pryrody
Na placoŭcy, dzie budujecca novy kompleks Nacyjanalnaha histaryčnaha muzieja i «Parku narodnaha adzinstva», padčas subotnika 12 krasavika vyrašyli vysadzić čyrvonyja duby, paviedamiła pres-słužba Łukašenki.
«Pieršy ŭžo ŭ pracesie. Na terytoryi parku vysadžvajuć čyrvanalisnyja duby. 80 sadžancaŭ u honar 80-hodździa Vialikaj Pieramohi», — havorycca ŭ paviedamleńni.
Pry hetym varta adznačyć, što navukoŭcy ličać taki dub (jaki zvyčajna zaviecca prosta čyrvonym dubam) vidam, jaki škodzić miascovaj fłory, zaŭvažaje vydańnie «Pozirk». Jon nie charakterny dla biełaruskaj pryrody i, jak mnohija invaziŭnyja vidy, pry niekantralavanym raspaŭsiudžvańni zdolny narabić biady.
Staršy navukovy supracoŭnik siektara kadastra raślinnaha śvietu Instytuta ekśpierymientalnaj bataniki Nacyjanalnaj akademii navuk Leanid Čumakoŭ u 2019 hodzie pisaŭ u navukova-papularnym časopisie «Rodnaja pryroda», što naturalny areał, dzie raście dub čyrvony — Paŭnočnaja Amieryka (paŭnočny zachad ZŠA i paŭdniovy ŭschod Kanady).
U Jeŭropu dub čyrvony zavieźli ŭ kancy XVII stahodździa. U pačatku XX stahodździa vid stali šyroka vyroščvać u hadavalnikach i na prysiadzibnych učastkach na terytoryi Biełarusi, u druhoj pałovie — aktyŭna stvarać lasnyja kultury. Siońnia, jak adznačaŭ navukoviec, hety vid raście pa ŭsioj krainie, najbolš šyroka — u Bresckaj vobłaści.
«Vyjšaŭšy za miežy pasadak, dub čyrvony pačaŭ aktyŭna asvojvać naturalnyja nasadžeńni. Šmat jaho i niepasredna ŭ zialonaj zonie Minska», — pisaŭ Čumakoŭ.
«Masavaje raspaŭsiudžvańnie hetaha vidu ŭ lasach Biełarusi moža niehatyŭna adbicca na bijałahičnaj raznastajnaści, pakolki jon, stvarajučy hustyja skapleńni ŭ lasnych masivach, z časam moža vyciaśniać jak mnohija draŭnianyja parody, tak i padpołahavuju travianistuju raślinnaść», — papiaredžvaŭ jon.
Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy
Łukašenka prakamientavaŭ źniknieńnie Anžaliki Mielnikavaj
Łukašenka patłumačyŭ, čamu biznesu nielha bałavacca z cenami
Łukašenka: Ukrainie ŭ ES niama čaho rabić. Čaho jana tudy lezie?
Łukašenka na subotniku pracuje na miescy budučaha Nacyjanalnaha histaryčnaha muzieja
Kamientary