Biełaruś pieradała Litvie jaje hramadzianina, asudžanaha za finansavyja afiory. Jon jechaŭ praź miažu z čužym pašpartam
U kancy minułaha hoda hramadzianin Litvy Ihnas Jomantas, asudžany za finansavyja afiory, sprabavaŭ trapić u Biełaruś pad čužym imieniem, adnak byŭ zatrymany biełaruskimi pamiežnikami. Jomantas pravioŭ niekalki miesiacaŭ u biełaruskaj turmie, a ciapier jaho pieradali Litvie, dzie jon budzie adbyvać pryznačanaje jamu pakarańnie, paviedamlaje Delfi.lt.
Infarmavanyja krynicy paviedamili Delfi, što Jomantas užo znachodzicca ŭ Litvie. Hetuju infarmacyju paćvierdziŭ pres-sakratar Departamienta palicyi Ramunas Matonis, adznačyŭšy, što Jomantasa pieradali Litvie dva tydni tamu.
Biełaruskija pamiežniki zatrymali Ihnasa Jomantasa 29 śniežnia 2024 hoda. Mužčyna jechaŭ praź miažu z čužym pašpartam.
«Jon skazaŭ, što źjaŭlajecca hramadzianinam Litvy i nie moh pakinuć krainu pad svaim imiem, tamu pazyčyŭ pašpart u siabra», — paviedamlaŭ tady Dziaržaŭny pamiežny kamitet.
Za vykarystańnie čužoha dakumienta Jomantas byŭ asudžany ŭ Biełarusi da pazbaŭleńnia voli na 2 hady, ale prabyŭ u biełaruskaj turmie ŭsiaho 4 miesiacy.
Adnak i na radzimie na volu jon nie vyjdzie. U červieni 2022 hoda za ŭtojvańnie padatkaŭ jon byŭ asudžany da 1 hoda i 3 miesiacaŭ pazbaŭleńnia voli z adterminoŭkaj na 2 hady. Niahledziačy na toje, što padčas hetaha pakarańnia jon nieadnarazova parušaŭ paradak, sudździ jaho škadavali i da realnaha pakarańnia nie prysudžali. Tolki ŭcioki ŭ Biełaruś stali apošniaj kroplaj, paśla hetaha Kłajpiedski ŭčastkovy sud prysudziŭ jaho da turemnaha źniavoleńnia.
Da zakančeńnia adterminoŭki Ihnasu Jomantasu zastavałasia dva dni, adnak ciapier jamu daviadziecca adsiedzieć za kratami bolš za hod. Akramia taho, jon źjaŭlajecca fihurantam jašče adnaho rasśledavańnia, źviazanaha z machlarstvam.
Raniej Jomantas byŭ sudzimy za nielehalnaje zachoŭvańnie zbroi, utojvańnie padatkaŭ i parušeńnie hramadskaha paradku. Da hetaha času sudy nie prysudžali jaho da realnaha źniavoleńnia. Akramia taho, jon sistematyčna parušaje praviły darožnaha ruchu, jeździć za rulom pjany, biez pravoŭ, pieravyšaje chutkaść i h. d. Z 2017 hoda za parušeńnie PDR jaho karali bolš za 80 razoŭ.
Litoviec sprabavaŭ trapić u Biełaruś pa pašparcie siabra. Vyjaviłasia, heta psieŭdamiljanier, jakoha ŭ Litvie abvinavačvajuć u machlarstvie
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary