Kiraŭnik Łatvijskaj fiederacyi futboła: my nie možam arhanizavać turnir z udziełam Biełarusi
Zbornaja Biełarusi pa futzale ŭpieršyniu za 16 hadoŭ prabiłasia na čempijanat Jeŭropy, jaki pavinien ŭzimku prajści ŭ Kaŭnasie i Ryzie, ale naša kamanda moža nie trapić z-za nastupstvaŭ vajny va Ukrainie.
U Litvie miascovaje Minsportu rekamienduje admaŭlacca ad hulniaŭ z pradstaŭnikami Biełarusi i Rasii, jak ahresarami, a taksama nie dazvalać im udzielničać u spabornictvach na terytoryi krainy. U Łatvii ž takija miery zamacavanyja ŭ vyhladzie dakładnaj zabarony na zakanadaŭčym uzroŭni.
Kiraŭnik Łatvijskaj fiederacyi futboła Vadzim Łašenka zajaviŭ, što ŁFF nie moža arhanizavać turnir z udziełam Biełarusi, piša Sport Biełarusi.
«Da kanca hetaha tydnia abo pačatku nastupnaha ŭ nas budzie dakładnaje razumieńnie taho, jak heta budzie adbyvacca. Na dadzieny momant šmat čaho nieviadoma, bo vidavočna: my nie možam arhanizavać mierapryjemstva z udziełam Biełarusi ŭ Łatvii — ni z punktu hledžańnia zakanadaŭstva, ni z etyčnaha punktu», — zajaviŭ Vadzim Łašenka miascovym ŚMI.
«Pakul praciahvajecca kamunikacyja [z UEFA, Litoŭskaj fiederacyjaj futboła, pasłom Ukrainy ŭ Łatvii i kiraŭnikom UAF Andrejem Šaŭčenkam], i jak tolki ŭ nas budzie vyraznaja pazicyja UEFA, my abaviazkova prainfarmujem hramadskaść», — skazaŭ futbolny čynoŭnik.
Čempijanat Jeŭropy pa futzale pavinien prajści z 20 studzienia pa 6 lutaha 2026 hod ŭ Kaŭnasie i Ryzie. U kastryčniku 2025 hoda projdzie losavańnie hrupaŭ.
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary