Litoŭski anłajn-bank Paysera budzie zakryvać rachunki biełarusam, u jakich niama jeŭrapiejskaha DNŽ
Litoŭski anłajn-bank Paysera dasłaŭ paviedamleńni hramadzianam Rasii i Biełarusi pra mahčymaść zakryćcia ich rachunkaŭ, kali tyja nie padaduć dakumienty, jakija paćviardžajuć najaŭnaść u ich dazvołu na žycharstva ŭ Jeŭropie.
Paviedamleńni atrymali tyja, chto maje šienhienskuju vizu typu D (nacyjanalnuju doŭhaterminovuju vizu). U liście, jaki karystalniki atrymali ranicaj 18 krasavika, havorycca, što zhodna z sankcyjnaj pastanovaj ad 24 lutaha 2025 hoda jeŭrapiejskija banki i finansavyja ŭstanovy abaviazanyja abmiažoŭvać pasłuhi dla hramadzian Rasii i Biełarusi, kali jany nie majuć DNŽ u krainach Jeŭrapiejskaj ekanamičnaj zony abo ŭ Šviejcaryi.
«U vas jość 14 kalandarnych dzion z momantu adpraŭki hetaha paviedamleńnia, kab padać nieabchodnyja dakumienty. Kali dakumienty nie buduć padadzienyja ŭ hety termin, da vašaha rachunku Paysera buduć prymienieny abmiežavańni, i my budziem vymušanyja zamarozić srodki na im u adpaviednaści z Rehłamientam (ES) 2025/392. Zamarožanyja srodki buduć znachodzicca pad błakiroŭkaj da momantu, pakul nie źjavicca pravavaja padstava dla ich vyzvaleńnia», — paviedamlajecca ŭ liście.
Choć Paysera adznačyła, što zamarožvańnie adbudziecca praz 14 dzion, niekatoryja karystalniki ŭžo sutyknulisia z prablemami: u ich pierastali pracavać Google Pay i apłata pa numary kartki.
Paysera źjaŭlajecca adnym ź niešmatlikich jeŭrapiejskich bankaŭ, jaki paśla pačatku šyrokamaštabnaj vajny va Ukrainie praciahvaŭ adkryvać rachunki dla hramadzian Rasii i Biełarusi na padstavie viz typu D.
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka9
Kamientary
Prieždie čiem vvodiť podobnyje sankcii i ohraničienija napravlennyje na nie imiejuŝich otnošienija k vojnie biełarusov stoiło by zadumaťsia ob effiektivnosti i pośledstvijach dannoho riehłamientirovanija.