Urad Litvy tłumačyć heta pavyšanymi pahrozami dla dziaržaŭnaj biaśpieki z-za niezakonnaj mihracyi i źmienu taktyki biełaruskich raźviedvalnych i pamiežnych słužbaŭ
Pavodle hetaha rašeńnia, zabaraniajecca pieramiaščeńnie matacykłami, mapiedami i mataryzavanymi rovarami praz punkty propusku Miedniki i Salečniki (ź biełaruskaha boku — Kamienny Łoh i Bieniakoni). Ruch praz hetyja punkty na miažy ź Biełaruśsiu budzie mahčymy tolki na aŭtamabilach, havorycca ŭ pastanovie ŭrada.
Akramia taho, pastanova praduhledžvaje mahčymaść časova abmiežavać pieramiaščeńnie asob praz punkty propusku Salečniki i Miedniki, kali budzie vyjaŭlena, što biełaruskija ŭłady vykarystoŭvajuć mihrantaŭ u jakaści instrumienta cisku. «U apošni čas nazirajucca sproby biełaruskich pamiežnikaŭ nakiroŭvać mihrantaŭ u punkty propusku biez naležnych dakumientaŭ abo z parušeńniem patrabavańniaŭ Šenhienskaha pamiežnaha kodeksu», — zaznačajecca ŭ prapanovie ŭrada.
Vykonvać pałažeńni hetaj pastanovy ŭradu daručana Słužbie achovy dziaržaŭnaj miažy.
«Naša meta — zabiaśpiečyć maksimalnuju achovu dziaržaŭnaj miažy i pieraškodzić pahrozam, što stvarajucca štučna arhanizavanaj mihracyjaj z boku režymu Łukašenki, a taksama mahčymym hibrydnym napadam na miažy ź Biełaruśsiu. Novyja abmiežavańni, pryniatyja ŭradam, taksama dapamohuć skaracić upłyŭ biełaruskich raźviedvalnych i śpiecyjalnych słužbaŭ i źnizić ich mahčymaści vierbavać hramadzian Litvy i Biełarusi», — zajaviŭ ministr unutranych spraŭ Litvy Uładzisłaŭ Kandratovič.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary