Prahib zaličany. Piaskoŭ zajaviŭ, što pad uražańniem ad pytańnia biełaruskaha błohiera Ułada Bumahi Pucinu
Biełaruski błohier Uład Bumaha 19 śniežnia trapiŭ na pramuju liniju da Pucina i mocna prahnuŭsia pierad im. U Kramli heta acanili. Piaskoŭ publična zrabiŭ kamplimient rozumu błohiera.
Najpapularniejšy biełaruski dziciačy błohier Uład Bumaha staŭ niečakanym hościem na vynikovaj kanfierencyi Uładzimira Pucina.
Pucin ź Piaskovym patrolili biełarusa.
— U nas nietradycyjny hość, — pradstaviŭ Ułada Dźmitryj Piaskoŭ.
— U jakim sensie? — patroliŭ Pucin.
Ale błohier Uład Bumaha byŭ vielmi surjoznym i kamplimientarnym. Jon nazvaŭ rasijskija resursy «našymi», pachvaliŭ ich, spytaŭ «navošta błakavać jutub, kali našy placoŭki dobra spraŭlajucca?»
Akramia taho, jak «čałaviek, u jakoha 80 młn padpisčykaŭ», jon spytaŭ u Pucina parady: na jakich sensach jon pavinien vychoŭvać maładoje pakaleńnie?
U adkaz na heta pres-sakratar prezidenta RF Dźmitryj Piaskoŭ paviedamiŭ, što byŭ «ščyra ŭražany» biełaruskim błohieram.
«Mianie ščyra ŭraziŭ voś hety małady čałaviek, jon sapraŭdy zadaŭ vielmi samavitaje, vielmi razumnaje pytańnie», — skazaŭ Piaskoŭ prapahandystu Paŭłu Zarubinu.
Błohier Uład Bumaha, taksama viadomy pad psieŭdanimam Uład A4, najpapularniejšy biełaruski błohier, jaki pracuje dla dziaciej.
Ciaham doŭhaha času zdymaŭ videaroliki zabaŭlalnaha charaktaru, naprykład, udzielničaŭ u čelendžy, dzie pavinien byŭ pravieści 24 hadziny ŭ niezvyčajnym miescy, zastacca na noč na batutnaj arenie i inšyja. Bumahu vinavaciać u kapiravańni kantentu zamiežnych błohieraŭ.
-
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi
-
«Mnie kazali: ty z hłuzdu źjechaŭ, jaki pašpart, tut Kijeŭ mohuć uziać!» Biełarus raskazaŭ, jak zhubiŭ va Ukrainie dakumienty i try hady nie moh ź jaje vyjechać
-
U Dobrušy čałaviek dabiŭsia kampiensacyi ad haspadara aŭčarki, pa vinie jakoj jon straciŭ voka
Ciapier čytajuć
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary
...
jakoje? pra ju-tub? dyk... tolki $$$ i ničoha asabistaha