Nanios 97 udaraŭ nahami, siakieraj i viłami. Pad Viciebskam pažyły mužčyna žorstka zabiŭ sužycielku
Žorstka zabiŭšy siabroŭku, mužčyna schavaŭ cieła pad matracami i praciahvaŭ vypivać.
Viečaram 4 kastryčnika 60-hadovy žychar Viciebskaha rajona vypivaŭ doma sa svajoj sužycielkaj. U peŭny momant mužčyna adčuŭ reŭnaść i raźjušana napaŭ na žančynu. Jon pačaŭ źbivać jaje ŭsim, što trapiłasia pad ruku.
U chod pajšli ruki, nohi, nož, siakiera i viły. Kali paciarpiełaja pierastała dychać, zabojca pieraciahnuŭ jaje cieła ŭ susiedni pakoj i nakryŭ matrasami, a sam leh spać. Paśla hetaha jon praciahvaŭ raśpivać śpirtnoje, mieć znosiny z svajakami i znajomymi, piša BiełTA.
Dniom 6 kastryčnika niechta vyklikaŭ milicyju. Na miescy śledčyja dapytali abvinavačanaha i śviedak. Mužčyna pakazaŭ, kudy jon skinuŭ mabilny telefon i nož.
Ekśpiertyza pakazała, što mužčyna nanios žančynie 97 udaraŭ. Jon źbivaŭ achviaru nastolki luta, što kroŭ znajšli nie tolki na viłach i siakiery, ale i na adzieńni mužčyny, a taksama na ścienach u pakoi.
Vyśvietliłasia, što mužčynu nieadnarazova sudzili, u tym liku za pahrozy zabojstvam i zabojstva. Jamu pradjaŭlena abvinavačańnie ŭ zabojstvie z asablivaj žorstkaściu asobaj, što raniej ździejśniła zabojstva. Pa hetym artykule mužčynie pahražaje navat śmiarotnaja kara.
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi49
Kamientary