Siońnia ŭ administracyi Savieckaha rajona startavała novaje hramadskaje abmierkavańnie. Jano praduhledžvaje znos 27 siadzib i amal paŭtara dziasiatka hramadskich budynkaŭ.
Heta novy prajekt, jaki abmiežavany vulicaj Šyrokaj — Łahojskim traktam — vulicami Łukjanoviča — Hało — Olešava — Maksima Bahdanoviča, piša Onliner.by.
Płošča ŭčastka, jaki chočuć pieraŭtvaryć, — cełych 68 ha. Niemałuju častku hetych samych hiektaraŭ zajmajuć siadziby. Ctarymi damy nie nazavieš, ale i «krepaściami» taksama — niešta siaredniaje.
Ciarod siadzib časta sustrakajucca dvuchkvaterniki (a to i troch-). Tamu na 27 prysudžanych da znosu damoŭ prychodzicca 51 kvatera ahulnaj płoščaj krychu bolš za 3 tys. «kvadrataŭ».
Jakija siadziby vyrašyli vykraślić z historyi horada? Damy pa Šyrokaj, 11, 13, 15, 17, 19, 21, 23, 25. Na vulicy Olešava chočuć źnieści try pabudovy — damy №4, 6, 8. Tapahrafičnaja vulica pazbavicca doma №18, a pieršy Tapahrafičny zavułak — damoŭ №3, 5, 7, 9, 11. Pieranosimsia na vulicu Palihrafičnuju. Tut lišnimi paličyli siadziby №1, 3, 15, 17, 19, 21. Toj ža status i ŭ doma №12 pa zavułku 2-mu Palihrafičnamu.
Pabudovy, padzielenyja na dźvie-try kvatery, vielmi navat prastornyja: prykładna ad 105 da 290 kvadratnych mietraŭ. Vierahodna, raźvitacca ź imi haspadaram budzie vielmi niaprosta: siamiejnaje hniazdo, u ścienach hetych damoŭ vyrasła nie adno pakaleńnie.
Pra znos astatnich siadzib (a jany jość) havorka nie idzie. Ludzi (i damy) mohuć žyć spakojna.
Pad znos vyznačany i šerah hramadskich, a taksama vytvorčych abjektaŭ na vulicach Šyrokaj, Olešava, Hało, Łukjanoviča i Uschodniaj.
Adnak u dakumientach jość ahavorka: «Metazhodnaść znosu kožnaha kankretnaha abjekta vyznačajecca na nastupnym etapie prajektavańnia».
Akramia taho, vielizarnyja płoščy płanujecca vyzvalić za košt znosu haražoŭ na vulicach Šyrokaj i Olešava. U sumie ŭ kaapieratyvach i indyvidualnych haražach naličvajecca pad 2000 mašyna-miescaŭ. Kali ŭsie budynki i haražy buduć źniesieny, horad pryraście amal na 100 tys. svabodnych kvadratnych mietraŭ.
Realizavać zadumanaje płanujuć da 2030 hoda.
Ciapier čytajuć
«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy18
Kamientary