Ministerstva antymanapolnaha rehulavańnia i handlu Biełarusi źviarnułasia da Fiederalnaj antymanapolnaj słužby Rasii z prośbaj abaranić biełaruskich vytvorcaŭ i spažyŭcoŭ ad vypadkaŭ niapravilnaha markiravańnia tavaraŭ na rasijskim rynku.
Havorka idzie pra situacyi, kali na terytoryi Rasii pradajucca tavary, jakija vydajucca za biełaruskija, choć faktyčna takimi nie źjaŭlajucca. U niekatorych vypadkach, pavodle źviestak viedamstva, pradukcyja moža być vyrablena ŭ samoj Rasii abo navat u Kitai, ale pradajecca pad vyhladam «biełaruskaj».
Pry hetym vykarystoŭvajucca elemienty, jakija stvarajuć uražańnie biełaruskaha pachodžańnia: vyjavy čyrvona-zialonaha ściaha, nadpisy nakštałt «Zroblena ŭ Biełarusi» abo «Biełaruskija tavary», a taksama niedakładnaja infarmacyja pra krainu vytvorčaści.
Asobna adznačajecca, što padčas analizu rasijskich internet-placovak, takich jak Wildberries i Ozon, było vyjaŭlena bolš za 25 pazicyj padobnaj pradukcyi. Siarod ich zhadvajucca tavary pad brendam «Baťkin riezierv» i inšyja najmieńni, jakija mohuć stvarać iluziju biełaruskaha pachodžańnia.
MARH ličyć, što takija praktyki mohuć škodzić jak reputacyi biełaruskich vytvorcaŭ, tak i ŭvodzić u zman spažyŭcoŭ, tamu prosić rasijski antymanapolny orhan pryniać adpaviednyja miery.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj8
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary