Tramp paśla krytyki vydaliŭ vyjavu, na jakoj jon prypadobnieny da Isusa Chrysta
Prezident ZŠA Donald Tramp vydaliŭ sa svajoj sacyjalnaj sietki Truth Social publikacyju z vyjavaj, zhienieravanaj štučnym intelektam, na jakoj jon byŭ pakazany ŭ vobrazie, padobnym da Isusa Chrysta, piša The Guardian.
Na malunku Tramp nibyta ździajśniaŭ cud: ź jaho ruk išło śviatło, jakim jon «lačyŭ» čałavieka ŭ balničnym łožku, a na zadnim fonie byŭ pakazany demaničny vobraz. Hetaja publikacyja vyklikała mocnuju reakcyju ŭ častki jaho kansiervatyŭnych i chryścijanskich prychilnikaŭ, jakija paličyli jaje abraźlivaj i niedapuščalnaj.
Niekatoryja viadomyja kansiervatyŭnyja kamientatary i miedyjnyja asoby publična raskrytykavali post, nazvaŭšy jaho «bluźnierstvam» i «nieprymalnym». Jany patrabavali jahonaha nieadkładnaha vydaleńnia i navat prasili Trampa paprasić prabačeńnia pierad ludźmi i Boham.
Pavodle paviedamleńnia, vobraz, jaki vykarystaŭ Tramp, byŭ nie aryhinalnym: raniej padobnaja AI-ilustracyja ŭžo źjaŭlałasia ŭ internecie, ale była madyfikavanaja pierad publikacyjaj u akaŭncie prezidenta ZŠA.
Heta situacyja ŭźnikła na fonie abvastreńnia adnosin pamiž Trampam i Papam Lvom XIV, jaki raniej krytykavaŭ ideju «ŭsiomahutnaści» ŭ palitycy ZŠA i vykazvaŭsia pra vajennyja kanflikty. Tramp u adkaz rezka vykazvaŭsia pra Papu, nazyvajučy jaho «słabym» i abvinavačvajučy ŭ palityčnaj anhažavanaści.
Skandał vybuchnuŭ nieŭzabavie paśla Vialikadnia, što dadatkova ŭzmacniła reakcyju viernikaŭ. U sacyjalnych sietkach častka karystalnikaŭ vykazvała mocnaje abureńnie i abmiarkoŭvała etyčnaść takich vobrazaŭ i ich upłyŭ na hramadstva.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary