Papa Francišak pierad śmierciu pieradaŭ 200 tysiač jeŭra makaronnaj fabrycy
Amal usie svaje źbieražeńni pantyfik achviaravaŭ na pahašeńnie ipateki pradpryjemstva, jakoje pracuje pry turmie dla niepaŭnaletnich u Rymie.
Pra heta paviedamlaje vydańnie The Economist.
U svaim duchoŭnym zapaviecie Francišak padkreśliŭ važnaść carkvy dla najbiadniejšych słajoŭ hramadstva.
«Pasłańnie, jakoje prasočvałasia ŭ pałažeńniach Franciška pra jaho skon, zaklučałasia ŭ tym, što sapraŭdnaje miesca jaho carkvy — na ŭskrajku hramadstva», — havorycca ŭ artykule The Economist pad nazvaj «Apošniaje zašyfravanaje pasłańnie Papy».
Niezadoŭha da svajoj śmierci pantyfik pieradaŭ amal usie svaje hrošy — kala 200 tysiač jeŭra — na pahašeńnie ipateki makaronnaj fabryki, jakaja pracuje pry turmie dla niepaŭnaletnich u Rymie.
Papa Francišak pamior 21 krasavika na 89-m hodzie žyćcia. U svaim tastamiencie jon zahadaŭ pachavać siabie ŭ prostaj mahile ŭ bazilicy Santa-Maryja-Madžore.
«Mahiła pavinna być u ziamli, prostaj, biez asablivych upryhožvańniaŭ, z adzinym nadpisam: Franciscus», — adznačyŭ jon.
Takim čynam Francišak staŭ pieršym Papam, jakoha pachavali pa-za miežami Vatykana za bolš čym sto hadoŭ.
Chorche Marya Bierholja, jaki ŭ 2013 hodzie byŭ vybrany Papam, uziaŭ sabie dla pantyfikatu imia Francišak u honar Śviatoha Franciška Asizskaha, zasnavalnika žabrackaha ordena franciškancaŭ.
«Dla mianie jon — čałaviek biednaści, čałaviek miru, čałaviek, jaki lubić i abaraniaje stvareńnie [Božaje]; u naš čas u nas nie samyja lepšyja adnosiny sa stvareńniem, ci nie tak? Heta čałaviek, jaki natchniaje nas ducham miru, biedny čałaviek… Jak by ja chacieŭ, kab Carkva była biednaj i dla biednych!» — kazaŭ Francišak.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju1
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6666
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary