Папа Францішак перад смерцю перадаў 200 тысяч еўра макароннай фабрыцы
Амаль усе свае зберажэнні пантыфік ахвяраваў на пагашэнне іпатэкі прадпрыемства, якое працуе пры турме для непаўналетніх у Рыме.
Пра гэта паведамляе выданне The Economist.
У сваім духоўным запавеце Францішак падкрэсліў важнасць царквы для найбяднейшых слаёў грамадства.
«Пасланне, якое прасочвалася ў палажэннях Францішка пра яго скон, заключалася ў тым, што сапраўднае месца яго царквы — на ўскрайку грамадства», — гаворыцца ў артыкуле The Economist пад назвай «Апошняе зашыфраванае пасланне Папы».
Незадоўга да сваёй смерці пантыфік перадаў амаль усе свае грошы — каля 200 тысяч еўра — на пагашэнне іпатэкі макароннай фабрыкі, якая працуе пры турме для непаўналетніх у Рыме.
Папа Францішак памёр 21 красавіка на 89-м годзе жыцця. У сваім тастаменце ён загадаў пахаваць сябе ў простай магіле ў базіліцы Санта-Марыя-Маджорэ.
«Магіла павінна быць у зямлі, простай, без асаблівых упрыгожванняў, з адзіным надпісам: Franciscus», — адзначыў ён.
Такім чынам Францішак стаў першым Папам, якога пахавалі па-за межамі Ватыкана за больш чым сто гадоў.
Хорхэ Марыа Берголья, які ў 2013 годзе быў выбраны Папам, узяў сабе для пантыфікату імя Францішак у гонар Святога Францішка Асізскага, заснавальніка жабрацкага ордэна францішканцаў.
«Для мяне ён — чалавек беднасці, чалавек міру, чалавек, які любіць і абараняе стварэнне [Божае]; у наш час у нас не самыя лепшыя адносіны са стварэннем, ці не так? Гэта чалавек, які натхняе нас духам міру, бедны чалавек… Як бы я хацеў, каб Царква была беднай і для бедных!» — казаў Францішак.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі3
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
Каментары