Vialikabrytanija pryznačyła novaha časovaha pavieranaha ŭ Biełarusi
Novym časovym pavieranym u spravach Vialikabrytanii ŭ Minsku pryznačyli Uiljama Łonhchiorsta. Jon zamianiŭ na hetaj pasadzie Devida Uorda.
Uiljam Džesi Łonhchiorst — dypłamat z bolš čym tryccacihadovym stažam pracy.
Jon pačaŭ dypłamatyčnuju karjeru ŭ 1990 hodzie, dałučyŭšysia brytanskaha da Ministerstva zamiežnych spraŭ i spraŭ Sadružnaści. Spačatku pracavaŭ pamočnikam supracoŭnika adździeła ekanamičnych adnosin.
U 1992—1995 hadach słužyŭ u pasolstvie Vialikabrytanii ŭ Sieule: byŭ trecim sakratarom pa ekanamičnych pytańniach, a paśla — druhim sakratarom pa palityčnych pytańniach i infarmacyi. U 1995—1998 hadach pracavaŭ pieršym sakratarom pa kamiercyjnych pytańniach u brytanskim pasolstvie ŭ Tokia.
U 1998—2001 hadach uznačalvaŭ adździeł ekspartu ŭ Japoniju ŭ Ministerstvie handlu i pramysłovaści Vialikabrytanii. Z 2001 pa 2006 hod zajmaŭ pasadu pieršaha sakratara ŭ Pastajannym pradstaŭnictvie Vialikabrytanii pry AAN u Ńju-Jorku, dzie adkazvaŭ za finansavyja pytańni i reformu kiravańnia.
U 2006—2007 hadach prachodziŭ poŭny kurs vyvučeńnia sierbskaj movy, paśla čaho ŭ 2007—2011 hadach byŭ namieśnikam kiraŭnika dypłamatyčnaj misii i hienieralnym konsułam Vialikabrytanii ŭ Białhradzie.
U 2011—2013 hadach zajmaŭ pasadu namieśnika kiraŭnika departamienta ASIEAN u Ministerstvie zamiežnych spraŭ. U 2014—2018 hadach byŭ Nadzvyčajnym i Paŭnamocnym Pasłom Vialikabrytanii ŭ Karaleŭstvie Kambodža.
U 2018 hodzie ŭznačalvaŭ kirunak Global Britain Task Force (Pracoŭnaja hrupa «Hłabalnaja Brytanija») u brytanskim MZS. U 2019 hodzie prachodziŭ intensiŭnuju moŭnuju padrychtoŭku pa niamieckaj movie, paśla čaho ŭ 2019—2024 hadach zajmaŭ pasadu namieśnika kiraŭnika misii i hienieralnaha konsuła Vialikabrytanii ŭ Šviejcaryi i Lichtenštejnie.
U 2024—2026 hadach prachodziŭ poŭnuju moŭnuju padrychtoŭku pa ruskaj movie ŭ Ministerstvie zamiežnych spraŭ, pa spravach Sadružnaści i raźvićcia Vialikabrytanii.
Prafiesijnaja dziejnaść Uiljama Łonhchiorsta, takim čynam, dahetul achoplivała dypłamatyju, mižnarodnyja adnosiny, ekanamičnaje supracoŭnictva, pracu ŭ mižnarodnych arhanizacyjach, a taksama rehijony Uschodniaj i Paŭdniova-Uschodniaj Azii dy Jeŭropy.
Šrajbman nazvaŭ krainy, jakija mahli b vieści pieramovy z Łukašenkam
Vialikabrytanija pryznačyła zamiest pasła časovaha pavieranaha ŭ spravach Biełarusi
Franklin Hrem sustreŭsia z dypłamatami ŭ Vilni
Polski dypłamat raskazaŭ, jak pryvoziŭ Kolu multfilmy na dyskach i kim dla siamji Łukašenkaŭ byŭ Makiej
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary