Z troch pamiaškańniaŭ zakrytaj kliniki «Novy zrok» pradali tolki adno
24 krasavika pavinny byli adbycca tarhi pa troch pamiaškańniach, dzie raniej raźmiaščalisia aftalmałahičnyja kliniki pryvatnaj kampanii «Novy zrok», jakuju spačatku pazbavili licenzii, a potym likvidavali.
U vyniku z troch abjektaŭ udałosia pradać tolki adzin — u Mahilovie, paviedamlaje handlovaja placoŭka «BiełJurZabieśpiačeńnie».
Na aŭkcyjonie ŭ Mahilovie pradali izalavanaje pamiaškańnie pa adrasie: praśpiekt Mira, 6−8 płoščaj 388,8 kv. m. Startavaja cana składała 734 tysiačy rubloŭ. U vyniku pamiaškańnie pajšło małatka navat daražej — za 770,7 tysiačy.
Miesca, dzie znachodziłasia klinika, raźmieščana pobač z handlovym centram na skryžavańni praśpiekta Mira i vulicy Kasmanaŭtaŭ. Tam znachodziacca adździaleńni bankaŭ, vialikaja krama «Pierakryžavańnie», šmat inšych handlovych kropak i kaviarniaŭ. I, viadoma, heta abjekt ź vielmi dobraj prachodnaściu.
Što tyčycca dvuch inšych pamiaškańniaŭ — u Hrodnie i Homieli, to pa ich tarhi nie adbylisia. U Hrodnie byŭ tolki adzin udzielnik, a ŭ Homieli ich uvohule nie było. Možna adznačyć, što ŭ Homieli była jašče i davoli vysokaja cana — 1,14 miljona rubloŭ.
Minzdaroŭja pazbaviŭ kliniku «Novy zrok» licenzii ŭ 2023 hodzie. Padstavaj stali parušeńni zakanadaŭstva ab licenzavańni. A jaje ŭładalnik — biznesmen Aleh Kaŭryhin — źjechaŭ ź Biełarusi. Vosieńniu 2024 hoda jaho zavočna pryhavaryli da 12 hadoŭ pazbaŭleńnia voli.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary