U biełaruskaha A1 rekord pa čystym prybytku — 369 miljonaŭ rubloŭ. Ale dziaržava zarabiła na hetym biznesie jašče bolš
A1 zdała svaju finansavuju spravazdačnaść za minuły hod. Heta kampanija, jakuju nie zakranuli kryzisy, — u hod pačatku vajny jana prosta spyniła rost, u 2023-m — adnaviła, a ŭ 2024-m pastaviła rekord pa vyručcy i prybytku ŭ rublach.
Biełaruski A1 — častka jeŭrapiejskaha A1 Group, jaki, u svaju čarhu, naležyć transnacyjanalnamu chołdynhu América Móvil sa štab-kvateraj u Mieksicy. Heta adna z samych prahresiŭnych i prybytkovych technałahičnych kampanij na biełaruskim rynku.
Źjaviłasia jaje śviežaja finansavaja spravazdačnaść za minuły hod.
Ź jaje možna zrazumieć, što A1 pracuje z rentabielnaściu 33%. Jana viarnuła tempy rostu, zhublenyja ŭ 2022-m, i pakazała rost vyručki ŭ 10% da minułaha hoda.
Kolki ž zarabiŭ hihant? Vałavy prybytak skłaŭ 565,6 miljona biełaruskich rubloŭ (161 miljon jeŭra pa siarednieŭzvažanym kursie za 2024).
Čysty prybytak skłaŭ 369,3 miljona biełaruskich rubloŭ (105 miljonaŭ jeŭra).
Asnoŭnuju častku rentabielnaści A1 źjadajuć padatki i zbory, jakija vystaŭlaje dziaržava. Za 2024 hod kampanija vypłaciła ŭ biudžet 424,8 miljona biełaruskich rubloŭ (120 miljonaŭ jeŭra), što bolš za čysty prybytak.
Umoŭna pazityŭna skončyłasia dla kampanii historyja z drakonaŭskim štrafam pamieram 83,7 miljona rubloŭ napačatku 2024-ha. Hetyja hrošy razmarožanyja, ale nie prosta tak — A1 abaviazałasia pastavić u Biełarusi 300 vyšak mabilnaj suviazi ŭ miescach, ukazanych dziaržavaj.
Taksama za minuły hod na 132 čałavieki źniziłasia kolkaść supracoŭnikaŭ A1 — ciapier ich 2329. Na apłatu pracy svaich rabotnikaŭ u 2024 hodzie A1 patraciła 80,1 miljona biełaruskich rubloŭ.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam24
Kamientary
Prykładańnie nie maje biełaruskaj movy.
U kramie vybar techniki nievialiki.
Servisnych punktaŭ u rehijonach mała, a kali jość, jany va ŭsim prajhrajuć MTS.
Taryf Bieź limita z hadami horšaje.