Ministr Trampa zhodzien, što Pucin — vajenny złačynca, ale razmovy ź im patrebnyja
«Ja liču, što paśla Druhoj suśvietnaj vajny byli nieabchodnyja pieramovy ź Japonijaj», — ličyć Skot Biesent.
Ministr finansaŭ ZŠA Skot Biesent pahadziŭsia, kali 7 maja jaho spytali, ci ličyć jon lidara Rasii Uładzimira Pucina vajennym złačyncam. Pra heta paviedamlaje Kyiv Independent.
Na pytańnie kanhresmiena-demakrata Chuana Varhasa «Ci ličycie vy Uładzimira Pucina vajennym złačyncam?», Biesent adkazaŭ: «Tak».
Hetyja kamientary prahučali padčas vystupleńnia Biesenta ŭ Kanhresie ZŠA i štohadovaj dačy pakazańniaŭ pierad Kamitetam pa finansavych pasłuhach Pałaty pradstaŭnikoŭ ZŠA.
Na pytańnie Varhasa: «Vy b viali pieramovy z vajennym złačyncam?», Biesent adkazaŭ: «Ja liču, što heta sutnaść dypłamatyi — treba vieści pieramovy z abodvuma bakami».
«Ja liču, što paśla Druhoj suśvietnaj vajny byli nieabchodnyja pieramovy ź Japonijaj», — dadaŭ Biesent.
Biesent raniej krytyčna vykazvaŭsia adnosna ŭkrainskaha kiraŭnictva, u pryvatnaści prezidenta Uładzimira Zialenskaha. 1 maja Biesent prapanavaŭ pierazapuścić adnosiny pamiž Ukrainaj i ZŠA paśla padpisańnia 30 krasavika dvuchbakovaha pahadnieńnia pra minierały.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
________
Ale amerykancy čamuści pastanavili nie vajavać niekalki hadoŭ, a skinuć bomby na dva harady i zmusić Japoniju da kapitulacyi. Amerykancy planujuć zrabić tojesama z Rasiejaju?