Džej Dzi Vens: Rasija na pieramovach pa Ukrainie prosić bolš za razumnaje. Jana nie atrymaje terytoryi, jakija navat nie zachapiła
Vice-prezident ZŠA Džej Dzi Vens nazvaŭ «zanadta vialikimi» patrabavańni, jakija Rasija vyłučyła padčas pieramoŭ pa ŭrehulavańni vajny va Ukrainie.
«My viedali, što Rasija paprosić zanadta šmat, bo rasijskaje ŭsprymańnie vajny hruntujecca na tym, što jany pieramahajuć. <…> Ale Rasija nie moža raźličvać na toje, što joj addaduć terytoryju, jakuju jana jašče navat nie zachapiła. I heta adna z rečaŭ, jakuju jany ŭklučyli ŭ pieršapačatkovy mirny płan», — skazaŭ Vens u intervju Fox News 8 maja.
Pavodle vice-prezidenta ZŠA, u Vašynhtonie viedali, što Rasija ŭ svaim pieršym prapanovie paprosić «bolš, čym razumna dać», pakolki «mienavita tak časta prachodziać pieramovy».
Vens nazvaŭ prahresam toje, što Rasija i Ukraina ŭdzielničajuć u pieramovach i prapanujuć «kankretnyja mirnyja płany». Pry hetym jon adznačyŭ, što ZŠA vyjduć ź pieramovaŭ, kali zrazumiejuć, što «rasijanie nie ŭdzielničajuć u pieramovach i nie pavodziać siabie dobrasumlenna».
«I kali heta adbudziecca, tak, my sydziem. Prezident skaža, što my vychodzim z hetaj spravy. A heta, na maju dumku, budzie aznačać, što i Rasija, i Ukraina zastanucca sam-nasam, biez savieta i pasiarednictva Złučanych Štataŭ».
-
Paśla ataki ŭkrainskich bieśpiłotnikaŭ zahareŭsia Novaŭfimski NPZ u Baškartastanie
-
Try čałavieki zahinuli, šaściora paranienyja z-za amal bieśpierapynnych rasijskich abstrełaŭ Kanstancinaŭki Danieckaj vobłaści
-
Dva pryčały i naftavy tankier paškodžany ŭ naftanaliŭnym porcie Prymorsk pad Pieciarburham paśla ataki BPŁA
Ciapier čytajuć
Na vučeńniach «Zachad» adpracoŭvajuć napad na Polšču i Litvu pad vyhladam abarony Kalininhrada20
Kamientary
Pieriestať postavlať Ukrainie pomoŝ i ždať, kohda Rośsija zachvatit to, čto vystovlajet v svoich triebovanijach na "priehovorach" ???