U Rasii zatrymali supracoŭnikaŭ vydaviectva «Eksmo» pa spravie ab ekstremiźmie z-za «prapahandy ŁHBT»
Zatrymany dyrektar pa dystrybucyi «Eksmo» Anatol Naraviatkin i jašče kala 10 čałaviek z Individuum — vydaviectva, jakoje ŭvachodzić u kampaniju. Pra situacyju raspaviadaje «Miedyjazona».
Zatrymanych u Maskvie supracoŭnikaŭ vydaviectva vinavaciać u ekstremiźmie z-za «prapahandy ŁHBT» (častka 1.1. artykuła 282 KK).
«Z usimi zatrymanymi viaducca śledčyja dziejańni, paśla dopytu budzie pryniataja pastanova ab abrańni fihurantam spravy miery strymańnia», — paviedamiŭ TASS sa spasyłkaj na svaju krynicu.
Jak minimum dvoje zatrymanych na momant pieraśledu ŭžo nie pracavali ŭ vydaviectvach.
RBK raskazaŭ, što pieraśled vydaviectva «Eksmo» źviazany z knihami Vydaviectva Popcorn Books.
«Nam strašna i tryvožna. My dahetul nie viedajem, u čym mienavita zaklučajucca pretenzii. My zaŭsiody pracavali ŭ ramkach zakona, jakim by jon ni byŭ, i tamu toje, što adbyvajecca ciapier, adčuvajecca jak vielizarny šok i niespraviadlivaść. Adnak my spadziajemsia, što chutka situacyja prajaśnicca», — prakamientavała padziei vydaviectva.
U 2021 hodzie Popcorn Books vypuściła raman «Leta ŭ pijanierskim halštuku» i jaho praciah «Pra što maŭčyć łastaŭka». Knihi apaviadajuć pra kachańnie pamiž pijanieram Juraj i važatym Vałodziem u łahiery letam 1986 hoda, praz 20 hadoŭ hieroi znoŭ sustrakajucca. Ramany stali lidarami prodažaŭ u Rasii, a ich aŭtarak — Alenu Malisavu i Kaciarynu Silvanavu — u lutym pryznali «zamiežnymi ahientami».
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki9
Kamientary