У Расіі затрымалі супрацоўнікаў выдавецтва «Эксмо» па справе аб экстрэмізме з-за «прапаганды ЛГБТ»
Затрыманы дырэктар па дыстрыбуцыі «Эксмо» Анатоль Наравяткін і яшчэ каля 10 чалавек з Individuum — выдавецтва, якое ўваходзіць у кампанію. Пра сітуацыю распавядае «Медыязона».
Затрыманых у Маскве супрацоўнікаў выдавецтва вінавацяць у экстрэмізме з-за «прапаганды ЛГБТ» (частка 1.1. артыкула 282 КК).
«З усімі затрыманымі вядуцца следчыя дзеянні, пасля допыту будзе прынятая пастанова аб абранні фігурантам справы меры стрымання», — паведаміў ТАСС са спасылкай на сваю крыніцу.
Як мінімум двое затрыманых на момант пераследу ўжо не працавалі ў выдавецтвах.
РБК расказаў, што пераслед выдавецтва «Эксмо» звязаны з кнігамі Выдавецтва Popcorn Books.
«Нам страшна і трывожна. Мы дагэтуль не ведаем, у чым менавіта заключаюцца прэтэнзіі. Мы заўсёды працавалі ў рамках закона, якім бы ён ні быў, і таму тое, што адбываецца цяпер, адчуваецца як велізарны шок і несправядлівасць. Аднак мы спадзяемся, што хутка сітуацыя праясніцца», — пракаментавала падзеі выдавецтва.
У 2021 годзе Popcorn Books выпусціла раман «Лета ў піянерскім гальштуку» і яго працяг «Пра што маўчыць ластаўка». Кнігі апавядаюць пра каханне паміж піянерам Юрай і важатым Валодзем у лагеры летам 1986 года, праз 20 гадоў героі зноў сустракаюцца. Раманы сталі лідарамі продажаў у Расіі, а іх аўтарак — Алену Малісаву і Кацярыну Сільванаву — у лютым прызналі «замежнымі агентамі».
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення9
Каментары