U Minsku bolš nie buduć pakazvać filmy ŭ «Domie kino». Hetym budynkam ciapier kiruje Pałac dziaciej i moładzi, jaki płanuje pravodzić tam roznyja mierapryjemstvy. Častka pamiaškańniaŭ budzie pieradadziena Biełaruskamu respublikanskamu sajuzu moładzi. Takim čynam, budynak atrymaje novaje žyćcio, ale jaho architekturny vyhlad zachavajecca, paviedamiŭ u intervju «Minsk-Navinam» hienieralny dyrektar minskaha «Kinavideaprakatu» Minharvykankama Uładzimir Karačeŭski.
Uładzimir Karačeŭski patłumačyŭ, što ŭ Minsku jość davoli šmat kinateatraŭ — jak dziaržaŭnych, tak i pryvatnych, jakija zmahajucca za hledačoŭ. «Dom kino» byŭ vialikim pamiaškańniem, što zaraz nie vielmi zapatrabavana, bo ludzi addajuć pieravahu nievialikim kinateatram ź niekalkimi załami, dzie možna pakazvać roznyja filmy na roznyja husty.
Taksama rajon, dzie znachodzicca «Dom kino», zasieleny pieravažna starejšymi ludźmi, a moładź čaściej chodzić u kinateatry ŭ handlovych centrach. Utrymańnie budynka było nierentabielnym — vydatki pieravyšali dachody.
Supracoŭnikam «Doma kino», pa słovach Karačeŭskaha, byli prapanavanyja inšyja vakansii ŭ sietcy kinateatraŭ, abo jany zastalisia pracavać na novym abjekcie. Usie byli svoječasova prainfarmavanyja pra zakryćcio kinateatra.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii14
Kamientary