«Čynoŭniki»-kupałaŭcy stančyli pad «Sihma boj» i skaryli sacsietki
Aktory-kupałaŭcy Michaś Zuj i Dźmitryj Jesianievič u vobrazie biełaruskich čynoŭnikaŭ zapisali videa pad pieśniu «Sihma boj». Jany tančać i raspaviadajuć pra zvyčajny pracoŭny dzień, u jakim jość usio — ad dumak ab narodzie da zatrymańnia ekstremistaŭ.
Aktory Michaś Zuj i Dźmitryj Jesianievič dobra viadomy biełarusam jak čynoŭniki Siarhiej Mikałajevič i Mikałaj Siarhiejevič. Jany zapisali čarhovaje videa dla sacsietak humarystyčnaha prajekta «ČynČynČeneł».
Aktory stančyli pad šalona papularny ciapier trek «Cihma boj», kab raspavieści pra «zvyčajny pracoŭny dzień biełaruskich čynoŭnikaŭ». U ich viersii čynoŭniki dumajuć ab narodzie i Łukašenku, aceńvajuć situacyju ŭ krainie, prychodziać z pravierkaj, biaruć adkaznaść na siabie, sadžajuć ekstremistaŭ, razdajuć ukazańni, słuchajuć zahady źvierchu, raźminajuć padvojnyja padbarodki i prymajuć luboŭ naroda.
Ahułam za dva dni videa nabrała ŭ sacyjalnych sietkach užo bolš za miljon prahladaŭ i dziasiatki tysiač łajkaŭ.
Ale cikavy fakt: aŭdytoryja ŭ instahramie i tyktoku pa-roznamu adreahavała na humarystyčnaje videa.
Kamientavać u instahram pryjšli ŭ asnoŭnym biełarusy, jakija zrazumieli prykoł i pačali pisać adpaviednyja kamientaryi: «Zachaciełasia łajknuć, ale jość adčuvańnie, što mianie za heta pasadziać».
«Čynoŭniki» reahavali na kamientaryi z usioj surjoznaściu. Za vykarystańnie stykiera z bulbaj adkazvali: «Vykarystańnie bulby ŭ humarystyčnych metach moža być rasceniena jak dyskredytacyja i abraza hodnaści dadzienaj sielskahaspadarčaj kultury».
Tym ža, chto niejak parušaŭ «zakanadaŭstva» pahražali pakarańniem — naprykład, pryznačeńniem papraŭčych rabot u vyhladzie prahladu inšych aŭdyjavizualnych praduktaŭ na BiełDziaržInstahramKanale «ČynČynČeneł» na praciahu 15 sutak.
Za stanoŭčyja kamientaryi abiacali zaachvočvańnie ŭ vyhladzie adnaho łajka z zaniasieńniem u asabistuju spravu.
A voś u tyktoku videa pahladzieli i rasijanie, šmat chto ź jakich pavieryŭ, što heta sapraŭdnyja biełaruskija čynoŭniki tak viaduć sacsietki. Adnyja pačali zachaplacca tym, jakaja Biełaruś viasiołaja kraina, druhija cikavilisia, ci nie praz hetych ludziej komik Słava Kamisaranka nie moža viarnucca na radzimu. Nu a trecija pisali, što ciapier chočuć atrymać biełaruskaje hramadzianstva i ŭdakładniali, ci daduć jaho za stanoŭčy kamientaryj.
«Vykličam na dyvan znakamitych biehłych biełarusaŭ». Čynoŭniki ŭ vykanańni kupałaŭcaŭ pierazapuskajucca — čaho čakać na «ČynČynČeneł»?
Aŭtary miehachita «Ščučynščyna» Jesianievič i Zuj u «Toku»: pra pieśniu i narodnuju luboŭ, čynoŭnikaŭ i razhrom Kupałaŭskaha VIDEA
Čym žarty biełarusaŭ adroźnivajucca ad inšych?
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary