Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki
Milicyja raniej paviedamlała, što načnuju bojku ŭ Homieli zładzili dva studenty-marakancy z-za dziaŭčyny. Ciapier jany paviedamili pra vysyłku troch čałaviek.
22 krasavika ŭ sacsietkach raźlaciełasia videa bojki zamiežnikaŭ u centry Homiela. Na videa maładyja ludzi ŭschodniaj źniešnaści bjucca, treci chłopiec — nieruchoma lažyć na asfalcie, da jaho padychodzić milicyjant. Paśla rozhałasu milicyja dała tłumačeńni nakont načnoj bojki zamiežnikaŭ u Homieli: deboš zładzili dva studenty-marakancy z-za dziaŭčyny
Milicyjanty, pa infarmacyi MUS, zatrymali parušalnikaŭ i na čas razboru traich zamiežnikaŭ źmiaścili ŭ izalatar časovaha ŭtrymańnia.
Jany pryciahnuty da administracyjnaj adkaznaści za parušeńnie hramadskaha paradku, pryniataje rašeńnie ab ich vydvareńni z krainy.
«Pracedury publičnych vysyłak praviedzieny pa miescach vučoby, a taksama ŭ terytaryjalnym padraździaleńni milicyi. U najbližejšy čas jany pakinuć Biełaruś», — paviedamlaje MUS.
Ciapier čytajuć
U biełarusaŭ Polščy byli pryčyny nie hałasavać za Tšaskoŭskaha2
Kamientary
Što za pracedury takija, ci jość jany ŭ pracesualnych kodeksach Biełarusi?
Kolki krokaŭ zastałosia da publičnych pakarańniaŭ?
Sam sabie nie pachvališ...