Tramp abviaściŭ pra stvareńnie novaj supraćrakietnaj abarony ZŠA «Załaty kupał», jakaja pavinna stać najlepšaj u śviecie
Administracyja Donalda Trampa abviaściła ab stvareńni maštabnaj sistemy supraćrakietnaj abarony «Załaty kupał», jakaja pavinna stać samaj mahutnaj u historyi. Prajekt, košt jakoha moža pieravysić paŭtryljona dołaraŭ, zaklikany abaranić ZŠA ad pahroz z boku Rasii, Kitaja i inšych jadziernych dziaržaŭ.
Prezident ZŠA Donald Tramp abviaściŭ ab zapusku prajekta «Załaty kupał» (Golden Dome) — novaj sistemy hłabalnaj supraćrakietnaj abarony, jakaja, pavodle jaho słoŭ, budzie samaj efiektyŭnaj u śviecie.
Pavodle pieršasnych acenak, jaje budaŭnictva abydziecca ZŠA ŭ 175 miljardaŭ dołaraŭ, ale pa niekatorych padlikach vydatki mohuć dasiahnuć 524 miljardaŭ na praciahu 20 hadoŭ — asabliva kali ŭličvać kaśmičny kampanient, piša BBC.
Sistema budzie šmatuzroŭnievaj i ŭklučyć naziemnyja, marskija i kaśmičnyja elemienty, u tym liku pieriechvatčyki i sistemy rańniaha papiaredžańnia na arbicie. Jana pavinna źniščać rakiety na ŭsich stadyjach palotu, navat da momantu zapusku, i być zdolnaj procidziejničać najnoŭšym typam uzbrajeńniaŭ — hipierhukavym i kaśmičnym.
Tramp adznačyŭ, što «Załaty kupał» budzie hatovy da kanca jaho prezidenckaha terminu (havorka išła pra 4 hady z momantu abjavy). Pieršy tranš na prajekt užo zakładzieny — 25 miljardaŭ dołaraŭ.
Stvareńnie sistemy kuryruje hienierał kaśmičnych sił ZŠA Majkł Hietłajn. Ideja natchnionaja izrailskim «Žaleznym kupałam», ale značna bolš maštabnaja.
«Załaty kupał» stanie sprobaj adnavić technałahičnaje lidarstva ŭ śfiery abarony i reahavańniem na pahrozy z boku novych jadziernych dziaržaŭ, u tym liku Paŭnočnaj Karei i Irana.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary
Hłavnoje - sovmiestnaja Arktika, haz, niefť, riedkoziomy i druhije podarki.