U Minsku z 24 maja nabyć adziny prajazny stała mahčyma praz mabilny dadatak «Apłaci». Padrabiaźniej pra heta Minsk-navinam raskazała pieršy namieśnik staršyni Minabłvykankama Nadzieja Łazarevič.
— Z 24 maja startavaŭ prodaž adzinych prajaznych dakumientaŭ u mabilnym dadatku «Apłaci», — adznačyła N. Łazarevič.
Zaraz pasažyr moža aformić prajazny dakumient samastojna z dapamohaj mabilnaha telefona. Jak padzialiłasia N. Łazaravič, sučasnaj tendencyjaj źjaŭlajecca pašyreńnie sietki realizacyi prajaznych dakumientaŭ, u tym liku praz dystancyjnyja kanały prodažaŭ.
U stalicy ŭžo amal dva hady dziejničaje adziny prajazny dakumient na ŭsie vidy transpartu. Siońnia jon kaštuje mienš za 60 rubloŭ u miesiac i dazvalaje jeździć na ŭsich vidach hramadskaha transpartu, uklučajučy aŭtobusy, tralejbusy, tramvai i mietro.
A z 12 krasavika Minabłvykankam uvioŭ novy vid adzinaha prajaznoha dakumienta — «Turystyčny». Sutki bieźlimitnaha prajezdu abyducca ŭ 4,81 rubla, try dni — u 14,43 rubla, što dazvalaje haściam stalicy istotna zekanomić.
Taksama N. Łazarevič raspaviała jašče pra adnu zapłanavanuju navinku: da kanca hoda nabyć bilet na prajezd možna budzie niepasredna z bankaŭskaj karty i ŭ naziemnym hramadskim transparcie. Pakul taki vid apłaty dastupny tolki ŭ mietro.
— Siońniašni rytm žyćcia minčan i haściej stalicy patrabuje ad nas jak ad orhana dziaržaŭnaha kiravańnia ŭkaranieńnia novych ličbavych rašeńniaŭ va ŭsich śfierach dziejnaści i, u pieršuju čarhu, u transpartnaj. U hetym hodzie my dadzim mahčymaść pasažyram apłačvać prajezd z vykarystańniem bankaŭskaj kartki ŭ naziemnym transparcie. My ŭpeŭnienyja, što pasažyry aceniać hetuju navinku pa vartaści, — padsumavała pieršy namieśnik staršyni Minabłvykankama.
Pa mierkavańni N. Łazarevič, reforma taryfnaj palityki apłaty prajezdu ŭ haradskim pasažyrskim transparcie atrymlivaje stanoŭčy vodhuk ad pasažyraŭ i źjaŭlajecca svajho rodu acenkaj zadavolenaści ŭzroŭniem transpartnaha absłuhoŭvańnia.
-
Kolki času zajmaje vydača pašparta novaj Biełarusi? Były kalinoviec raskazaŭ, jak atrymlivaŭ dakumient
-
U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?
-
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič
Kamientary