Na Viciebščynie mužčyna na vačach dziaciej źbiŭ ciažarnuju žonku, abliŭ jaje bienzinam i pahražaŭ spalić
U adnym z nasielenych punktaŭ Tałačynskaha rajona adbyłosia zdareńnie, jakoje ledź nie skončyłasia trahiedyjaj, paviedamlaje Dziaržaŭny kamitet sudovych ekśpiertyz.
Pjany mužčyna raspačaŭ kanflikt sa svajoj ciažarnaj žonkaj. Jon nanios joj mnostva ŭdaraŭ rukami i nahami pa hałavie i ciele, źbiŭ jaje z noh i abliŭ bienzinam. Pahražaŭ spalić žonku žyŭcom jon na vačach u ich małaletnich dziaciej.
Ekśpiertyza paćvierdziła, što vylitaja vadkaść była sapraŭdnym bienzinam, zdolnym uspychnuć ad najmienšaj iskry.
Sudova-miedycynskaja ekśpiertyza vyjaviła ŭ žančyny šmatlikija siniaki, naniesienyja, vierahodna, rukami i nahami.
Psichijatryčnaja ekśpiertyza ŭstanaviła, što abvinavačany pakutuje na chraničny ałkahalizm.
Paśla razhladu spravy sud pryznaŭ mužčynu vinavatym u pahrozie zabojstvam i pryznačyŭ jamu pakarańnie ŭ vyhladzie pazbaŭleńnia voli na termin 1 hod 6 miesiacaŭ. Dadatkova da jaho prymienienyja miery prymusovaha lačeńnia ad ałkaholnaj zaležnaści.
Kamientary