Minski aŭtamabilny zavod pradstaviŭ novy elektryčny śmiećciavoz MAZ-GTe, jaki pryznačany dla zboru i vyvazu bytavych adkidaŭ u haradskich umovach. Prezientacyja prajšła na vystavie ŭ Maskvie ŭ centry «Krokus Ekspa».
Heta pieršy biełaruski śmiećciavoz z elektrapryvadam. Jon stvorany z ulikam sučasnych ekałahičnych i techničnych patrabavańniaŭ. Mašyna maje vysokuju manieŭranaść, pamienšany radyus pavarotu i dobraje raźmierkavańnie vahi pa vosiach.
Źmiaščalnaść kuzava śmiećciavoza — 20 kubičnych mietraŭ, dapuščalnaja vaha śmiećcia — da 10 ton. Mašyna abstalavanaja ŭniviersalnymi zachopami dla kantejnieraŭ abjomam da 2 kubičnych mietraŭ. Na zahruzku adnaho kantejniera patrabujecca ŭsiaho 15 siekundaŭ.
Dla zručnaści rabočych MAZ vykarystaŭ novuju kanstrukcyju zadniaha borta, jakaja značna panižaje vyšyniu pahruzki bujnahabarytnych adkidaŭ. Elektraruchavik dazvalaje mašynie pracavać amal biasšumna, što asabliva važna dla dvaravych terytoryj, a taksama źnižaje vykidy ŭ atmaśfieru.
Ciapier čytajuć
Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2
Kamientary