U Sankt-Pieciarburhu vyśvietlili, čamu ŭ ich tak časta hareli MAZy i inšyja aŭtobusy
U Sankt-Pieciarburhu značna skaraciłasia kolkaść vypadkaŭ uzharańnia haradskich aŭtobusaŭ, u tym liku biełaruskich MAZaŭ. Heta stała mahčymym dziakujučy pierachodu na inšyja kamplektujučyja i palapšeńniu jakaści techničnaha absłuhoŭvańnia, piša «Diełovoj Pietierburh».
Jak raskazaŭ vice-hubiernatar horada Kirył Palakoŭ, raniej prablemy ŭźnikali z-za pierabojaŭ u pastaŭkach impartnych detalaŭ. Kab nie spyniać pracu, pieravozčyki byli vymušanyja terminova pierachodzić na inšyja zapčastki.
Ciapier ža, dziakujučy techničnym palapšeńniam i źmienam u kanstrukcyi, zroblenym zavodami-vytvorcami, situacyja prykmietna palepšyłasia. Naprykład, u novych aŭtobusach stavicca elektryčny vientylatar zamiest hidraŭličnaha — heta całkam vyklučaje praciakańnie alivy, što raniej i rabiłasia pryčynaj uzharańniaŭ. Raniej takuju sistemu zakuplali za miažoj, ciapier ža jaje stali vyrablać u Rasii.
Niahledziačy na apošni incydent u krasaviku, kali aŭtobus zahareŭsia na Vasiljeŭskim vostravie, ahulnaja kolkaść pažaraŭ źmienšyłasia. U 2022—2023 hadach padobnyja zdareńni adbyvalisia amal štotydzień, a časam i čaściej. Prytym hareli aŭtobusy roznych marak — MAZ, LiAZ, «Vołhabas», paśla čaho ich zdymali z maršrutaŭ.
U 2023 hodzie situacyja vyklikała rezanans u Biełarusi — Łukašenka daručyŭ razabracca, čamu ŭźnikajuć pažary na MAZach. Jon abvinavaciŭ u hetym nie svoj zavod, a niedaśviedčanyja pryvatnyja kampanii, jakija zajmalisia absłuhoŭvańniem aŭtobusaŭ.
Niekatoryja śpiecyjalisty taksama ličać, što pryčyna prablem — u nienaležnaj ekspłuatacyi, a nie tolki ŭ detalach. Ułady ž Sankt-Pieciarburha z samaha pačatku tłumačyli pažary nastupstvami sankcyj i nieabchodnaściu chutka zamianiać impartnyja častki na mienš pravieranyja rasijskija anałahi. U vyniku heta i pryviało da ŭzharańniaŭ.
Takim čynam, prablema była składanaj i šmatfaktarnaj: niedaskanałaja kanstrukcyja, nizkaja jakaść novych kamplektujučych i nie najlepšaje techničnaje absłuhoŭvańnie. Ale ciapier nibyta situacyja palepšyłasia, što dazvalaje spadziavacca, što pra ŭzharańni biełaruskich MAZaŭ u Sankt-Pieciarburhu budzie čutno radziej.
Łukašenka prapanavaŭ rabić aŭtobusy sa škłopłastyku
Prodažy aŭtobusaŭ MAZ u Rasii ŭpali amal u 20 razoŭ
Biełaruskija aŭtobusy harać z-za sankcyj i niajakasnaj zborki
«Ja harantuju vam». Biełaruś, niahledziačy na harantyi Łukašenki, parušyła damovu pa pastaŭkach tralejbusaŭ u Novasibirsk
«Kankurenty nas pačynajuć prydušvać». Łukašenka prakamientavaŭ situacyju ź biełaruskimi aŭtobusami, jakija harać u Sankt-Pieciarburhu
Biełaruskija aŭtobusy ŭ Pieciarburhu časta harać, ich vykarystańnie prypynili
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava8
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary