Navukoŭcy raskryli adnu z hałoŭnych tajamnic jehipieckich piramid
Usich ździŭlała, navošta piramidy pabudavali pasiarod pustyni.
Navukoŭcy vyśvietlili, što vialikija piramidy ŭ Jehipcie budavalisia nie pasiarod pustyni, a kala rukava Niła, jaki vysach.
Ekśpierty daśledavali spadarožnikavyja zdymki i kierny apadkavych parod i pryjšli da vysnovy, što pobač ź piramidami była raka. Havorka idzie pra 64-kiłamietrovy rukaŭ Niła, piša The Insider.
Pytańnie, čamu piramidy raźmiaščajucca pasiarod pustyni, daŭno chvalavała archieołahaŭ i historykaŭ. Niekatoryja navukoŭcy znachodzili asobnyja dokazy taho, što ŭ hetym miescy 4700 hadoŭ tamu ciakła raka. Adnak daśledavańni byli frahmientarnymi, jany čaściakom abmiažoŭvalisia tolki zboram uzoraŭ hleb.
Ciapier, dziakujučy kompleksnamu daśledavańniu hrupy pad kiraŭnictvam prafiesara Univiersiteta Paŭnočnaj Karaliny ŭ Uiłminhtanie Emanaj Hanim, udałosia skłaści kartu vysachłaha rukava Niła.
Navukoŭcy nazvali jaho Achramatam, što ŭ pierakładzie z arabskaj paznačaje «piramidy». Rečyšča rukava było schavana pad sielskahaspadarčymi ŭhodździami.
Vodny šlach składaŭ kala 500 mietraŭ u šyryniu i 25 mietraŭ u hłybiniu, što supastaŭlalna z sučasnym Niłam. Jaho vykarystoŭvali dla budaŭnictva piramid — pa rukavie spłaŭlali budmateryjały.
Daśledavańnie taksama pakazała, što mnohija piramidy ŭ hetaj vobłaści byli abstalavany cyrymanijalnymi padjezdami, jakija prachodziać pierpiendykularna rukavu Achramata i zakančvajucca prosta na jaho bierazie.
Čamu Achramat vysach, pakul nieviadoma. Daśledčyki miarkujuć, što pad sielskahaspadarčymi ŭhodździami i piaskom mohuć chavać pakul nieviadomyja pałacavyja kompleksy i chramy.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary