Jeŭrasajuz finansuje pierapadrychtoŭku i moŭnyja kursy dla biełaruskich palitviaźniaŭ. Voś jak padać zajaŭku
Jeŭrapiejski sajuz u ramkach prahramy EU4Belarus — SALT (Support for Advanced Learning and Training) abviaściŭ zapusk prahramy padtrymki dla tych, chto paciarpieŭ ad palityčnych pieraśledaŭ i straciŭ krynicu dachodu i mahčymaść atrymańnia adukacyi.
Płatforma «EU4Belarus» abviaściła novy konkurs hrantaŭ, skiravany na padtrymku byłych biełaruskich palitviaźniaŭ. Hetaja inicyjatyva daje mahčymaść tym, chto prajšoŭ praz turmy i pieraśled u Biełarusi za svaje pierakanańni, adnavić žyćcio i prafiesijnuju dziejnaść. Prahrama raspracavanaja, kab padtrymać ich psichałahičnuju, sacyjalnuju i ekanamičnuju reabilitacyju.
Hranty mohuć być vykarystanyja na roznyja mety: pierapadrychtoŭku, prafadukacyju, nabyćcio abstalavańnia, a taksama raźvićcio małoha biznesu. Pamier finansavaj padtrymki zaležyć ad prajekta, ale moža dasiahać da 10 tysiač jeŭra. Zajaŭki prymajucca na pastajannaj asnovie.
Da ŭdziełu zaprašajucca tyja, chto byŭ pryznany palitviaźniem pravaabarončymi arhanizacyjami i ŭžo vyzvaleny. Ludziam treba pradstavić dakumientacyju, jakaja paćviardžaje ich status i mety, na jakija buduć vykarystany srodki. Kamanda prajekta akazvaje padtrymku ŭ padrychtoŭcy zajavak i dapamahaje ŭ prachodžańni pracedur.
Padrabiaznaści dastupnyja na sajcie eu4belarus.info.
Padać zajaŭku možna tut.
Kamientary