Cichanoŭskaja: Kadebisty skazali, što dziaciej lohka viarnuć u Biełaruś
Abstaviny adjezdu dziaciej Śviatłany Cichanoŭskaj u Litvu ŭ červieni 2020 hoda vyklikali haračuju dyskusiju ŭ internecie.
Śviatłana Cichanoŭskaja dała vialikaje intervju BBC. Razmova adbyłasia pa-anhlijsku i była apublikavanaja ŭ aŭdyjafarmacie. A pa biełaruskim internecie pajšoŭ hulać jaje pierakaz, u jakim adzin sa skazaŭ byŭ skaročany. Mahčyma, toj, chto pisaŭ tekst, paličyŭ hetyja słovy małaznačnymi, adnak mienavita ich adsutnaść spravakavała dyskusiju.
Cichanoŭskaja: Kali ja pryjšła ŭ CVK, ludzi z KDB sustreli mianie, zamknuli mianie ŭ asobnym pakoi i pačali razmovu. Stali mnie pahražać, šantažavać mianie dziećmi.
BBC: Što jany skazali pra dziaciej?
Cichanoŭskaja: Što jany viedajuć, dzie jany znachodziacca. I tak lohka viarnuć ich u Biełaruś. Ciabie zatrymajuć. A ty tolki padumaj, što ich čakaje ŭ dziciačym domie. Vy nie pabačycie, jak jany rastuć.
Vyłučanaha skazu — «i tak lohka viarnuć ich u Biełaruś» — u tekstavym pierakazie nie było. Tamu niekatoryja, u pryvatnaści, redaktarka «Chartyi'97» Natalla Radzina, mahli paličyć, što Cichanoŭskaja ŭtojvaje praŭdu i robić vyhlad, što jaje dzieci na toj momant znachodzilisia ŭ Biełarusi.
Dzieci Cichanoŭskaj nasamreč vyjechali ŭ Litvu jašče da žniŭnia 2020 hoda razam sa svajoj babulaj.
Adnak, jak vynikaje sa słovaŭ Cichanoŭskaj, kadebisty pałochali jaje tym, što zmohuć viarnuć ich u Biełaruś i adpravić u dziciačy dom.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
Na maju dumku, to bylo naŭmysnym krokam, krychu skazić tekst...